掃呢頁CODE去手機

2013年5月9日 星期四

失婚羅霖煩劉坤銘歎




我唔夠錢使呀!(設計對白)

同你吟一吟

失婚羅霖煩劉坤銘歎

正式搞緊離婚手續嘅羅霖劉坤銘,有傳男方唔願俾贍養費,羅霖仲話前夫家唔喜歡佢做娛樂圈,但劉坤銘反駁咁多年嚟一直有俾對方生活費,唔明前妻點解要咁講,至於羅霖爭緊三個仔嘅撫養權,劉坤銘就話小朋友鍾意跟老豆;兩公婆,一人一句。

上個禮拜二(四月三十日),羅霖約咗蔡少芬前經理人 Helen傾心事,大家都係教會姊妹啱嘴形,食完晏,羅霖唔捨得走,皺曬眉咁企喺商場講多二十分鐘,先至同 Helen抱抱講拜拜。

第二日(五月一日),《壹》仔响太古廣場見到劉坤銘同朋友歎茶,有講有笑,完全冇受離婚影響心情。

羅霖四十八歲先嚟失婚,仲要拗贍養費爭細路撫養權,傷腦筋!

企响商場二十分鐘,不停噏, Helen一直點頭做聆聽者又送上抱抱,幫好姊妹分憂。

離婚冇影響心情,劉坤銘同朋友出街飲茶,一直笑唔停。



鍾意就快D Share啦!