2013年5月9日 星期四

朝偉停工回氣




放假回氣嘅偉仔頭唔 gel鬚唔剃,比起出席公開場合例必上行妝嘅劉嘉玲, hea好多。

同你吟一吟

朝偉停工回氣

用咗十三年時間籌備,由開鏡到後期製作,其間不停補戲,前後計拍咗接近四年嘅《一代宗師》男主角梁朝偉,聲言要放假一年回氣休息。

星期日(五日),老拍檔王家衞獲法國政府派出外長( Laurent Fabius),親手頒發藝術及文學司令勳章,戲可以唔接,面唔可以唔俾嘅梁朝偉,同張震齊齊到現場贈興。

休息咗幾個月,唔 gel頭又唔剃鬚嘅朝偉望落肥咗少少,梁太劉嘉玲上星期二(四月三十日)出席珠寶品牌活動,都話老公休息日日匿埋屋企做宅男,學電腦,就算出街都係去行超市,完全唔會覺得悶。

梁生梁太,一靜一動,一凹一凸,啱啱好。

法國外長 Laurent Fabius專程來港頒授榮譽,儀式後一齊合照,包括專程到場贈興嘅梁朝偉同張震。

獲法國政府頒發文化界最高榮譽嘅藝術及文學司令勳章,王家衞錫啖老婆。



鍾意就快D Share啦!
Related Posts Plugin for WordPress, Blogger...