2013年11月20日 星期三

充闊佬 住居屋碌過海 陳山聰 chok跑富豪徑 山聰,陳山聰,MF,




15/11 10:40am

單手握拳,張開個口,再加青筋暴現, 37歲陳山聰明顯 fit過同超雲拍拖嗰陣,狀態回勇;除咗衫跑,豬腩肉明顯冇咗,但肚臍下的舊紋身一樣冇變。

真面目

充闊佬 住居屋碌過海 陳山聰 chok跑富豪徑

曾經跟賭王千金何超雲戀愛大過天的陳山聰,高調拍拖 2年,但 5月正式被超雲狠撇之後,「潮山聰」風光不再頓成「樵山聰」,近月港澳兩邊走的他,曝光率明顯比風光時下跌一大截。

不過掛住賭王千金前度個名,山聰依然可以繼續撈版位。上週一( 11日)山聰突然出席舞獅公開活動即成傳媒焦點,他更大曬瘦身成果,揚言要參加今年的全馬!

上週五( 15日)本刊發現陳山聰從九龍灣居屋竇出發,開近半小時車往中半山寶雲道跑步。嗰度係唔少巨星富豪跑步勝地,大費周張過海操 fit,睇嚟陳山聰仍然懷念在高尚地區出沒的日子喎!

其他影片

9:25am

離開麗晶花園準備駕車去半山跑步,陳山聰都要戴上黑超拉埋篋,一袋二袋作狀過人。

37歲陳山聰與超雲拍拖 2年過足富豪生活,可惜年初超雲在微博透露「 Love=Money」之後,二人戀情亦同時玩完,陳山聰馬上打回原形,搬返九龍灣居屋舊居麗晶花園居住。

減肥做 buyer

分手初期山聰甚少外出,附近鄰居更透露山聰寧叫外賣都唔出街,不過長期踎喺屋企坐食山崩唔係辦法,約 3個月前,山聰已經自信返曬嚟,並加入時裝公司任職買手。「山聰𠵱家做緊嗰間公司,個老細識佢,都係因為超雲,你知山聰把口啦,要喺出面搵份工唔算難,加上佢對潮流確係有認識,聽講佢𠵱家都做得幾開心。」

山聰上週一( 11日)忽然出席舞獅活動,被問到幾時返無綫拍劇?山聰正經答:「其實自己有工作,同娛樂圈冇關,喺生活體驗上想試嚇唔同嘢,唔係自己生意,係打工!至於拍劇就隨緣啦!」據知 TVB高層樂易玲和陳山聰確曾見過面、飲過茶,但山聰暫未有意返回 TVB,「佢話拍劇幾時幾老拍都得,至多角色唔同,但呢啲工作機會冇咗就冇咗。」知情者說。

被指四失的山聰,如今搵到新工作、新財路,惟獨形象和感情未見得人,而且作為時裝買手需要四圍走見人,故返工冇耐,山聰已下決心要跑走豬腩肉。

跑步前山聰喺公園拉筋,旁邊菲傭𥄫到實一實!

10:15am

剛到達寶雲道,山聰一身 Nike打扮先在公園熱身,似乎佢真係經常跑步!

18/11

週一( 18日)下午,山聰揸車返九龍灣寓所被本刊問到有否跟超雲聯絡時,山聰雖然唔答,但仍然笑住口。

上週一( 11日)山聰突然公開露面,身形 fit番唔少的山聰不禁笑住話:「報咗名參加渣馬喇!」

「呢啲唔講!」

據知陳山聰之前會隔日到寓所附近的運動場跑步練氣,上週一( 11日)山聰亦對傳媒公開說:「原本係諗住跑步練嚇氣,點知跑跑嚇就上癮,今年報咗『全馬』,係挑戰!」

上週五( 15日)早上 9時半,陳山聰獨自由麗晶花園寓所步出,再花半小時自行駕車到山頂寶雲道,先在公園做完熱身運動,山聰即圍繞寶雲道跑圈。當日天氣微涼,但山聰依然跑到身水身汗,後來更跑到連衫都唔著。跑了約一個鐘,陳山聰再開車直駛到梅道 1號。據知山聰依然有唔少有米朋友,估計他當時上朋友家借廁所梳洗。

週一( 18日)下午 2時半,陳山聰獨自駕車返家,其間本刊記者問山聰為何要去老遠的中半山跑步時,山聰亦禮貌回應:「嗰邊空氣好啲嘛!(定係想識多啲有錢人?)唔關事,嗰度都好多婆婆㗎!不過我其實度度都跑嚇。(嗰邊近返工?)工作唔關娛樂圈事,唔講喇!( keep到身形咁 fit,諗住搵番超雲?)我要跑全馬嘛!冇喇,呢啲唔講。」

同超雲暴肥

同超雲拍拖時食好住好,山聰被養到好似白皮豬一樣,係佢入行以來最肥的時候。(網上圖片)

山聰阿哥陳山海喺澳門自己有公司、阿嫂就辦雜誌,早前有傳山聰會投靠阿哥,結果山聰選擇自力更生!

明星富豪跑步徑

位於中半山的寶雲道,向來都多明星及富豪到此行山徑跑步做運動,好似周星馳、梁朝偉和徐子淇等,貪嗰度近屋企、空氣好兼人流不多,所以大家得閒去嚇,分分鐘撞到明星!

梁朝偉慢跑《蘋果日報》圖片

徐子淇行山《蘋果日報》圖片

周星馳踩單車圖片

陳冠希堅跑圖片



鍾意就快D Share啦!
Related Posts Plugin for WordPress, Blogger...