《豪情》戀上 AV澤 何超：佢全程都 high MF,

何超儀同阿澤喺片中飾演經理人同 AV男優關係，其後二人發生感情。呢幕講何超為阿澤擋咗一劫，過意唔去嘅阿澤即刻送上一紮用日圓紙幣包住嘅花畀何超，二人慢慢撻著。

FBI

《豪情》戀上 AV澤　何超：佢全程都 high

早排《 FACE》率先報道拓也哥升呢，拒拍杜汶澤孭飛嘅《豪情 3D》戲肉，原本令飾演男優嘅阿澤「起死回生」一幕，家嚇由女主角何超儀頂替。 FBI仲八到導演加咗場床戲畀阿澤同超儀，不過何超係咪會重演拓也哥成名絕技？何超就唔肯透露，只肯講當日要清場處理，仲有性感演出喎。

其實《豪情 3D》嘅日本外景上月已經拍完，當時大隊日日對住一班 AV女優，長期處於咁澎湃嘅場面，片場內所有男士流曬鼻血，不過何超就話最興奮係阿澤。何超同 FBI講︰「佢全程都 high，成日拎住部相機，見到咩都影。」

其實阿澤拍之前真係做足功課，包括參與 AV女郎 casting，又同導演一齊「欣賞」唔同題材嘅 AV，仲參觀埋拍 AV嘅酒店。第一次對住咁大堆「人肉導彈」，仲要係情慾戲，又難怪阿澤咁 high。

不過阿澤唔只同女優玩得嘅，話曬把口都出名「吹」得兩嘴，所以平時 cool爆嘅何超都被融化，兩人仲 friend咗， FBI聽聞何超嚟緊會開拍一套以羽毛球為主題嘅電影，男主角已鎖定阿澤，打羽毛球應該冇肥人，睇嚟阿澤呢副鋼條身形有排 keep喇。

原先拓也哥會喺《豪情 3D》客串一角，不過網上紅爆嘅拓也哥升呢後以「私人理由」推戲。

原先《豪情 3D》有拓也哥同加藤鷹客串，拓也哥退演，只留低「神之手」加藤鷹。

何超儀飾演過氣風俗娘（性工作者），後變為阿澤經理人，佢思想和打扮停留喺舊年代，為咗拍此戲，佢增肥近 10磅。

上月，杜汶澤、何超儀、泰臣同曾國祥拉大隊到日本取景。

阿澤喺《豪情 3D》飾演 AV男優，肉搏不同「導彈」身形嘅 AV女優，包括 D cup辰已唯，又好難怪阿澤戲裏戲外都咁興奮嘅。

何超話有次阿澤見佢坐喺廁所板食煙，對方覺得畫面好靚影低（嗱，控煙辦我哋知道吸煙危害健康㗎）。每個女人都鍾意人讚靚，何超有乜辦法唔同阿澤 friend呀？

拓也哥升呢唔客串

拓也哥早前喺日本深宵節目《矛盾大對決》中施展拿手口技成功 K.O. AV男優沢井亮，隨即喺網上爆紅，不少粉絲更慕名前往佢喺新宿開設嘅居酒屋「膽固醇」潮拜。拓也哥更紅到「強國」， 9月喺北京舉行嘅握手會就大受歡迎。拓也哥眼見自己咁受歡迎，身份升咗呢，《豪情 3D》客串角色當然 say no喇！

上月初，有份拍《豪情 3D》嘅曾國祥曾上門拜訪拓也哥， FBI聽聞此行係為商討客串一事，不過最後拓也哥都推咗。網上圖片

紅爆網絡嘅拓也哥，密密去不同地方舉行握手會吸金，本週一就去咗大阪，似足明星咁忙。網上圖片

鍾意就快D Share啦！

下一篇 》