掃呢頁CODE去手機

2013年12月31日 星期二

周星馳:拍阿梅係我榮幸 阿梅,周星馳,梅艷芳,

周星馳:拍阿梅係我榮幸

周星馳與梅艷芳合作過的電影,令觀眾


留下深刻印象,星爺對於這位至情至性的好拍檔,仍然懷念,便直言自己跟其他「梅迷」一樣,一直都很掛念阿梅,並感激她留下不少曠世佳作,他說:「我聽到阿梅嘅歌曲,次次都聽到唔想停,首首都係經典!」

周星馳當年與梅艷芳合作過不少賣座電影如《審死官》、《逃學威龍3之龍過雞年》,這些影片已成經典,戲裏,留下一幕又一幕令人難以忘懷的光影片段,戲外,周星馳與梅艷芳交情深厚,阿梅大情大性、性格豪邁開朗,深深感染了周星馳,令他非常珍惜阿梅這位好拍檔!

「百年難遇天才」

2003年阿梅不幸離世,令周星馳深表哀痛,如今晃眼十年過去,貴為巨星的周星馳對這位「好拍檔」依然念念不忘,身在內地的星爺昨日接受電話訪問時表示:「佢係百年難得一見嘅演藝天才,能夠同佢合作過,係我嘅榮幸!」

星爺坦言跟梅艷芳合作的所有時間,都是雙方的美好時光,尤其阿梅的開朗、勇敢,令他留下深刻印象:「同佢(梅艷芳)一齊工作,所有時間都係開心嘅,佢好有感染力,係一個好開朗、好勇敢嘅女人,好榮幸我同佢可以合作過。」

最愛《裝飾的眼淚》

梅艷芳離世十載,周星馳現在最想跟她說些甚麼?星爺說:「所有佢嘅fans包括我,最想同佢講嘅係,我哋一路都好掛住佢,好多謝佢留畀我哋好多極級嘅作品,到依家我一聽佢嘅歌,係唔想停o架!(最喜歡阿梅哪一首歌?)《裝飾的眼淚》,其實佢嘅所有歌,我都好喜歡。」

文:影視組



鍾意就快D Share啦!