掃呢頁CODE去手機

2013年12月18日 星期三

[FACE 343] 搶番男一 劉華降服林家棟 林家棟,劉德華,劉華,MF,




FBI

搶番男一 劉華降服林家棟

週日( 15日),《風暴》喺香港搞宣傳,劉華同林家棟同場現身,雖然有傳林家棟因劉華由出品人兼監製,突然落場做埋主角令自己降級做配角而嬲到唔同劉華續約,但當日佢應記者要求指住家棟張大頭宣傳海報合照,仲笑曬口,真係好好戲。

台上笑曬口扮老友,台下劉華同家棟亦不斷密斟。

一連三日亞太影展,上週五( 13日)喺澳門威尼斯人酒店舉行。除咗巨星好似章子怡出席攞獎之外,由劉德華身兼出品人、監製同演員嘅首部華語 3D警匪動作片《風暴》,除成為亞太影展開幕電影,仲順道喺澳門搞埋首映。

《風暴》講述飾演警察嘅劉德華,同做賊嘅林家棟,展開一場警匪之間交錯命運嘅故事,劉華由忠變奸、林家棟由奸變忠,聽落條橋幾吸引,所以週五( 13日),《風暴》喺澳門搞首映,全場爆到冇位剩,而劉華仲率領各演員個個到齊穀宣傳,但惟獨林家棟竟然由頭到尾冇現身。

其實早排已傳原本劉華只係擔任《風暴》出品人同監製,林家棟先係孭重飛做男主角,點知電影公司老闆江志強突然提議不如劉華「落場」演埋,最後劉華仲變咗《風暴》嘅男一。林家棟由男一變男二,唔嬲就假, FBI聽聞佢甚至嬲到唔打算同劉華續經理人約,所以澳門宣傳當然唔去喇。

週日( 15日),《風暴》移師返香港宣傳,而林家棟今次終於出現, FBI即捉住家棟問清楚,點解家棟由主角變配角?家棟只係話:「我拍呢套戲係為咗做好個角色,冇話主唔主角!」完全避開主角變配角問題。又係嘅,以劉德華今時今日嘅地位,加上二人 12年賓主關係,真係唔得罪好過得罪啦!

13/12

週五( 13日),《風暴》演員專誠過大海去澳門搞嘅首映穀宣傳,劉華同一眾演員,如女主角姚晨及奸角胡軍等全部到齊,惟獨林家棟冇現身。

就家棟由男一變配角一事,女主角姚晨表示由開始電影公司搵佢拍《風暴》時,已講明由劉德華主演,華仔企喺身邊當然唔敢亂講嘢。

劉華不死

片中,飾演警察嘅劉華,上演多場爆破動作戲,其中一幕中環警匪駁火戲,匪徒將小巴及的士都炸到爛曬,但劉華只係塊面擦傷少少,呢個打不死嘅警察,勁過徐子珊。

阿呂搞 gag

《風暴》唔只動作場面多,連金句都多,好似飾演惡賊嘅呂良偉,做世界時遇正打風,即爆出一句:「打風唔使打劫咩?」

家棟最慘

林家棟由奸變忠,劉華原本安排架車畀佢著草,點知臨上車前,慘被泥頭車撞死,有冇咁蹺呢?

滿足強國

《風暴》尾段,由忠變奸嘅劉華殺曬所有人,但因套戲要順應大陸市場,壞人一定要繩之於法,所以最後劉華走去自首。



鍾意就快D Share啦!