全城熱爆的娛樂八封新聞 & 時事趣聞 & 生活 + 趣聞
活動上原本話有霍太，點知最後得霍生，搞到成班名人版記者走曬，剩番體育版記者，好彩仲有個黃金寶撐住，俾體育版記者訪問。
上週四(12日)香港體育記者協會 25周年會慶，原本話有霍啟剛、郭晶晶一齊出席。成班行家同 FBI都一早到場諗住睇嚇生完仔嘅郭太啦，點知活動開始咗大半，只係見到老公霍啟剛，但老婆就唔見人。到最後霍啟剛就同 FBI講：「佢喺屋企休息，我係會長，梗係要嚟啦。」不過 FBI之後問大會公關，公關話其實個活動根本冇話有霍太出席，係班行家誤會咗。但如果公關嘅解釋係真，咁點解啟剛又要幫老婆解畫呢？兩邊完全唔夾口供喎。
郭晶晶生完即減少露面，最近一次係今個月 7號出席「微笑行動」嘅慈善活動。
當日各報館的星蹤也收到郭晶晶會出席。
