[FACE 343] 救火英雄 做 gym㷫烚烚 趙勁皓 DaDa閣樓救火 DaDa,趙勁皓,陳靜,MF,

King對於初次試玩健身波的 DaDa極為緊張，前後扶到實，而 DaDa就露出冧爆表情，攬實男友頸。

真面目

救火英雄　做 gym㷫烚烚　趙勁皓 DaDa閣樓救火

同志男神大隻 King（趙勁皓），最近被爆同周秀娜師妹 DaDa（盧頌之）拍拖，兩人不時在 instagram傳情，愛得高調。

手頭上有不少生意的 King，開完餐廳、酒吧，再開健身中心，趁住未開張，先帶女友去「試玩」。已有健身教練牌的 King，對住女友都冇手軟，拉筋拉到 DaDa大叫，不過二人拍拖只係一個月， King摸多 DaDa兩下， King當場硬曬軚，要衝上閣樓淋身救火。

趙勁皓和 DaDa拍拖一個月，其實大隻 King一早已𥄫中同門師妹，至月前 DaDa搬到葵青區 King屋企附近，二人經常約埋放狗而撻著。

閣樓拉扯

King和 DaDa樓下玩到㷫烚烚，二人即上樓改玩跑步機，玩完即衝去更衣室沖涼降火。

腳磨大髀

拉筋期間，懷疑 King用力過度， DaDa面露一副痛苦表情，於是用腳向 King撩一下發耍嬌攻勢， King完全無力招架。

沖涼降火

King與 DaDa住得近，不用開工更是日日見，本月 8日，兩人手拖手到 King新開的健身中心做 gym。身為健身教練的 King，全程落足力教女友做腹肌，就連最基本的拉筋動作， King都傍到實，門口出面都聽到 DaDa大叫「好痛」。經過一輪「肉搏」後，兩人再上二樓跑步，跑到㷫烚烚， King更要立即沖涼降火。

King跑完步成身汗㷫烚烚，即場除衫，女友 DaDa睇到又尖叫！而阿 King手上嗰件係佢同內褲品牌 Private Structure合作設計的 tee。

10年 DaDa被拍到與陳自強契仔徐君俊拍拖行銅鑼灣，但未夠一年就分手收場，直至今月再度墮入愛河。

好愛 DaDa

上週五（ 13日）本刊致電 King，問到與 DaDa戀情，他說：「其實我啱啱入行嗰陣，喺一次雜誌拍攝工作認識 DaDa，之後大家又一齊拍戲，私底下我哋又會傾嚇閒偈，仲會約埋去放狗。其實我哋一路有傾電話，有心事都會搵對方傾訴，大家就變到好 close嘅關係；最近 DaDa搬咗去我屋企附近，我哋多咗好多機會見面，會約埋去我間 bar飲酒，飲完酒我又會送佢返屋企，加上大家都好鍾意放狗、鍾意做運動。日見夜見，慢慢就鍾意咗佢，我𠵱家真係好愛、好愛、好愛、好愛、好愛、好愛、好愛 DaDa！」嘩，仲激過峯峯喎！

多瓣數

搞酒吧

King現今唔只靠拍戲搵食，極有生意頭腦嘅佢已經係餐廳、酒吧、健身中心嘅老闆，投資不同類型嘅業務。

開餐廳

甚有生意頭腦的 King仲係一間主打京菜的餐廳老闆，自己不時做生招牌吸引不同客人光顧。

8月本刊報道 King入股銅鑼灣一間樓上基吧做老闆，有價有市的 King於酒吧仲落手落腳招呼客人。不過據知 King已退股該酒吧，在尖沙咀開另一間酒吧自己話事。

錢搵錢

圈中人搵到錢興搞嚇生意，舊一批有嘉玲、王菲，新晉嘅就有 Bosco，總之要錢搵錢啦！例如嘉玲早於上海及北京開設餐廳和夜店，最近仲擴展到香港，同時間開設三間餐廳，打造美食王國。

黃宗澤

黃宗澤與朋友合資開設的蠔吧 Oystertime，將於聖誕前開業，主打中高檔路線。

劉嘉玲

今年 9月，劉嘉玲於尖沙咀的三間餐廳同時開業，分別一間京都日式料理《京旬》、一間西班牙餐廳 Zurriola、以及一間西班牙酒吧 TAPAGRIA。

鍾意就快D Share啦！

下一篇 》