熱爆娛樂: [FACE 343] 求神問卜　邪谷桃花爭視后　徐子珊紙紮鋪拜狐仙徐子珊,子珊,MF,

2013年12月18日星期三

[FACE 343] 求神問卜　邪谷桃花爭視后　徐子珊紙紮鋪拜狐仙徐子珊,子珊,MF,

週一（ 16日）無綫台慶頒獎禮，徐子珊拖住吳卓羲行紅地氈例牌性感，見佢眼神都真係愈嚟愈見電力，睇嚟狐仙真係幫到手。

真面目

求神問蔔　邪穀桃花爭視後　徐子珊紙紮鋪拜狐仙

無綫周年小圈子《萬千星輝頒獎禮》，週一（ 16日）又舉行咗，視帝視後極盡驚喜，田蕊妮爆冷連擸兩獎，坐足全場 Cool魔張智霖輸畀冇到黃子華，總之全台努力營造緊張氣氛依嘩鬼叫。

邊個攞視後大家可能唔上心，但班姐仔身為圈內人，視後獎項關乎出騷叫價，當然分外肉緊，據知恨攞視後多年的徐子珊，早前便專程往紅磡一紙紮店拜狐狸仙穀桃化，走偏門可惜仍最終失落視後寶座，睇嚟子珊唔夠誠心喎！

有黃子華帶住，但套《 My盛 Lady》收視得 28點未高過 30點，徐子珊雖演得出色，可惜最終都係輸畀田蕊妮！

徐子珊出道 9年出名恨攞視後，今年拍住出爐視帝黃子華套《 My盛 Lady》麻麻叫座好在叫好，由最初爭視後說：「準備好心情等下年。」到最近改口風話：「身邊嘅朋友同觀眾反應都好正面！」取態明顯積極咗。

台星脫光拜

為不想今年台慶頒獎禮再度空手而回，上月（ 11月）初，有人見她在紅磡一紙紮鋪出現，據知店內有供奉狐仙的靈壇，不少善信均在此店向狐仙祈福兼還神。

上週六（ 14日），本刊到該紙紮鋪放蛇，本刊記者扮作善信稱希望可增加人緣及桃花，該店職員即說：「哦，你想拜狐狸仙呀，埋邊啦，你想拜我哋就幫你執套金銀衣紙，你心諗住想求乜嘢，再燒咗啲紙就得啦，我哋呢度好多嗰啲𡃁模嚟㗎！」之後本刊再畀徐子珊照片給該店員睇，她卻說：「徐子珊？我唔識喎，唔認得！」睇嚟子珊觀眾緣仲未夠喎！

據知 34歲徐子珊學識拜狐仙，源自今年 7月往台灣拍攝九把刀新片《我的情敵是超人》，在當地工作人員介紹下學識搵狐仙穀運，據知情人士說：「台灣嗰邊興咗拜狐仙好耐，佢哋話狐仙可以幫人穀桃花，所以特別多藝人善信，台灣人拜狐仙仲興要脫光拜，佢哋要每日淨身後脫光衣服同狐仙溝通，但係香港就好少藝人拜啦！」如今子珊再度失落視後寶座，咪再沉迷呢啲邪門嘢啦。

今年 7月，徐子珊獲九把刀睇中，拍住台灣男神柯震東和林依晨開新戲做女二，亦在台灣學識拜狐仙。

隱世狐竇

徐子珊幫襯的狐仙佛壇位於紅磡星湖街，店鋪細細只約一百呎，店內設有一神壇，提供賣衣紙拜神問蔔一條龍服務。

店內中年女職員說好多𡃁模都有嚟拜，但係乜名就噏唔出，甚至連徐子珊都話唔認得。

林千博師傅：規矩人定啫

除衫跳舞呢啲嘢唔使㗎，我知台灣有明星係除衫拜，啲規矩係人定出嚟啫。其實狐仙等於一般官員，大官難求亦都顧唔到咁多嘢，咪有人開始拜狐仙囉。狐仙係幫人緣、幫感情，洗手上香、心誠則靈，唔使搞咁多嘢㗎！不過最緊要係唔可以做壞事、唔可以破壞人哋家庭，咁就真係唔靈仲可能受懲罰添。

林千博

拜狐仙除咗有人會每日裸拜外，仲會隨身戴住狐牌，增加狐仙效力。

中港台女爭拜

台灣有打正拜狐仙的狐仙堂，不論男女老幼會去參拜。

台灣興拜狐仙，但其實除咗台灣妹外，中港亦有不少藝人有拜狐仙習慣，其中有傳章子怡亦係善信之一。

我是為身體健康（真實對白）

台灣妹　蕭薔

44歲大美人蕭薔，曾到當地狐仙廟拜神兼改名，對此她承認：「我是為了身體健康啦，藝名還是叫蕭薔！」

強國女　章子怡

有傳章子怡亦是狐仙信眾，更有傳她走紅後，在內地起了幾間狐仙廟來供奉。

機會多咗（真實對白）

港女　張暖雅

曾流出床照「向西女」張暖雅，去年亦曾被發現在太子的狐仙廟參拜，當時她說：「朋友介紹咪拜囉，都覺得機會多咗，發展順利咗。」

亞視幫贏曬

徐子珊雖然有狐仙助陣，影後又話賽前大熱，可惜最終都不敵田蕊妮，視後寶座落入田蕊妮手中，順手攞埋全民投票嘅「最受歡迎電視女角色」，加埋攞咗最佳女配角嘅江美儀，兩位其實都係出身亞視，兩後都堅係真情流露爆喊，原來亞視真係人才輩出，無綫訓練嗰班呢？下年囉！

頒獎嘉賓黃秋生一講出田蕊妮個名，大塊田即時爆喊，仲喺台上高呼：「多謝我老公！」之後仲攞埋「最受歡迎女角色」獎項，嘉欣 BB又食白果。

大塊田喺台上多謝老公，杜汶澤又即時喺 Instagram轉發恭喜老婆，兩公婆一條心。

「最佳女配角」亦係由亞視出身的江美儀奪得，唔知下年會唔會輪到餘詠珊嘅有線幫勢力抬頭呢？不過餘詠珊當年其實都係喺亞視搞《今日睇真 D》響朵，都係亞視幫。

穀收視犧牲 Cool魔

視後有驚喜，嘉欣 BB食白果都唔夠視帝爆，賽前大熱嘅 Cool魔張智霖同吳鎮宇陣亡，改為頒畀唔出席嘅黃子華，據知無綫此舉純粹為穀收視：「台慶收視已經跌，高層講明頒獎禮一定唔可以差，否則老闆會好唔高興，為咗收視，所以一定要穀到盡，得罪 Chilam咪畀番個男角色獎佢囉！」不過 Chilam被安排壓軸上台，依然唔高興句句有骨，下次想再搵佢救亡有難度喎！