2013年12月18日 星期三

[FACE 343] 削骨開眼隆胸 全整




週日( 15日), Bonnie手術後首次出席時裝店開幕公開活動,除咗仲未消腫, Bonnie對新面孔極滿意:「幫我執刀係院長嚟㗎,你睇嚇完全睇唔到疤痕㗎!」

搜尋氣

削骨開眼隆胸 全整𡃁模:靠止痛藥過活!

娛樂圈「整容」分兩種,「認」同「唔認」, Phoebe師妹(許穎) 21歲梁晶晶( Bonnie)今年暑假出道、最威同柯震東傳過緋聞,暑假推出寫真時,已經被人踢爆過同中學時代兩個樣,不過 Bonnie當時唔認:「細個唔識打扮啫!」到上個月大鑼大鼓借公司 30萬去韓國大執,即刻聲大大:「嗰啲 A至 P女星,好心整咗就認啦!」

整容目的又分兩類,想「紅」同「釣金龜」,上週 Bonnie整完腫都未消就趕住出活動,佢話加工只係想增加自信,至於點還錢?「我冇諗過!」

其他影片
before Vs after

一日之內開眼頭、削面削腮削下巴隆鼻隆胸,真係腫到變豬頭。

有冇被柯震東食過?……嗯……食過……宵夜囉!我拍過三次拖,柯震東唔算係我前度男朋友,但係食完(宵夜)又唔認,絕對係我認識行為最劣嘅男人!(有冇咁嚴重呀?)

我大方啲,唔同佢計較,不過今次整容就唔會知會佢囉,一個月前我去韓國做手術,向公司借咗 30萬,加埋自己啲錢一共 50萬,一日之內開眼頭、隆鼻、削面削腮骨、削下巴,再喺胸部隆入 200c.c.矽袋,由 B cup升到變 D cup。梗係辛苦啦!手術做咗成日,全身麻醉,起身之後腫到變豬頭,個鼻通唔到氣、嘴又受緊傷,成個星期食唔到嘢,全靠止痛藥過活、迷迷糊糊。喺嗰邊唞咗三個星期,返嚟仲做完手術𠵱家都未消腫,醫生話真係回復狀態要半年後。仲有,所有 bra唔啱身、恤衫又扣唔到鈕,換過曬都要好多錢……不過我覺得值得喎!

年中去台灣經朋友介紹認識柯震東, Bonnie暗示與柯震東晚晚講電話又有一夜情,不過就被男方否認。

暑假出完寫真, Bonnie最新搞作是「客串」錢國偉電影《喜愛夜蒲 3》,同「春卷」王寶寶合演校園大家姐。

我唔係 copy人哋個樣、唔係要變阿凡達 V煞、或者好似啲人咁無啦啦變種做混血,我係修飾自己、想自己更好啫。啲錢點還、點回本我冇諗過,我變靚都唔係為咗接多啲 job、釣金龜,我咁做係想增加自己自信,我信有自信乜嘢都會愈嚟愈好囉!由第一日決定整,我就預咗俾人知、預咗有人攞舊相比較,我真係頂唔順啲女星,呢, A字頭同 P字頭都有呢,話咩箍牙、減肥、化妝變靚,我個胸大咗咁多,唔通話飲多咗木瓜奶咩?好心整咗就認啦!

柯震東過咗去喇,唔想再提佢。以前拍寫真、拍廣告,我都冇底線啦,以後我會去得更盡,親熱戲都唔怕接,對手,最好就係我男神餘文樂啦!

除咗柯震東, Bonnie有鋪集郵癮,夜夜笙歌仲周圍捉男神陳冠希、餘文樂影合照。



鍾意就快D Share啦!
Related Posts Plugin for WordPress, Blogger...