![video](https://lh5.googleusercontent.com/-xNyPDB2d_ZM/Ut3QH18gNaI/AAAAAAABJC4/iKAfzQ7J04c/d72da329fe5acbfa_1390247472_61c2.jpg)
羅霖解放覓新對象 唔怕囝囝睇床戲:冇露點
羅霖前晚出席美容公司周年晚宴,忽然玩自爆!佢話:「今年三月,就係我離婚兩周年喇!」是指正式辦妥手續兩年?羅霖話:「正式就大半年。我成日提自己專心工作,唔好諗,依家終於可以結識異性喇。」又話身邊好多朋友都催佢快點搵個伴。不過當記者問羅霖,新對象係咪一定要小朋友鍾意,羅霖諗都唔諗就話:「呢個係首要條件,如果佢唔鍾意小朋友,冇愛心就唔會考慮。」睇得出羅霖幾錫佢三個囝囝啦。
但係佢係陶傑套新戲《愛.尋.迷》度,同關楚耀激戰連場,俾網民話重口味。囝囝接唔接受到呢?羅霖就話:「拍之前開過家庭會議,而且小朋友成日睇外語片,所以尺度好大。」仲話自己冇露點,只係做好演員本份,唔介意家長用咩眼光睇自己喎。
鍾意就快D Share啦!
|
|