全城熱爆的娛樂八封新聞 & 時事趣聞 & 生活 + 趣聞
有番條腰 苟姑娘冇講自己瘦咗幾多，但比高峰期啲確輕身咗，至少塊面尖番，同夠膽著貼身衫。
唞咗大半年嘅苟姑娘，除夕倒數活動後開始全面復工。據知康復緊嘅佢，呢輪同富婆好友陳君宜玩 kart仔（小型賽車），最近仲成日打保齡球。雖然唔知有冇減肥作用，不過 FBI就發現苟姑娘的確比高峰期瘦番。
上週二（ 14日）出席賀年活動，著住貼身短裙，騷到腰部曲線，雖然距離 fit爆身形仲有一段距離，但應該好快可以搣甩「肥苟」呢個名。 FBI聽講苟姑娘嚟緊仲會開工拍劇，但苟姑娘就未肯講係咩劇，但最快今個月尾或 2月頭開工， FBI都戥佢開心。
肥唯一好處就係事業線有提升。本身有 C cup嘅苟姑娘，肥咗後睇落有「 D cup」。
苟姑娘其實一向有運動，最近仲玩埋保齡球，不過似喺私人會所玩喎！
