掃呢頁CODE去手機

2014年1月22日 星期三

[FACE 348] 英雄莫問 入行 9年處男擔正 爆洪永城最霉撈過男公關 洪永城,MF,




真面目

英雄莫問 入行 9年處男擔正 爆洪永城最黴撈過男公關

12年被 TVB綜藝科總監餘詠珊拉入無綫,洪永城( Tony)孖住黃翠如拍《走過浮華大地》,仲攞埋《萬千星輝頒獎典禮》上的「最佳節目主持」獎。本週, Tony同陳展鵬齊擔正的《單戀雙城》亦開始播映,加入無綫後的 Tony行運一條龍。

不過風光背後, 30歲洪永城其實都捱過。 Tony於 05年開始在有線主持旅遊、飲食節目。雖有口碑,知名度遠不及無綫藝員高,到 08年 Tony更因冇工開,為生計轉任男公關。不過 Tony發圍後並冇忘本,上星期本刊便發現已考到車牌,揸靚車兼搬新屋的 Tony,跟曾任職的公關公司 CEO茶敍。有高層照住又識做人, Tony應該有排紅。

其他影片

搬咗新屋又揸咗 P牌新車,洪永城望落都 sharp醒咗。本刊翻查資料,寶馬的登記車主係洪永城大佬洪永熙。而 Tony哥哥的報住地址位於列堤頓道豪宅,比細佬富貴。

自 10歲開始到新西蘭留學的洪永城( Tony),滿口英文加上鬼仔性格,返港後加入有線主持旅遊節目贏到唔少口碑, 08年轉戰 now寬頻電視連《撳錢》都撈埋, 12年即被由有線過檔無綫的綜藝科總監餘詠珊邀請,首個 job《走過烽火大地》更是台慶重點旅遊節目,為 Tony炮製一個好開始。

何超瓊旗下

自加入無綫後, Tony路路暢通,從未拍過劇的他,更在去年連接三劇,其中《單戀雙城》亦於本週一( 20日)晚首播。

現在事業一帆風順,做到冇停手,但 Tony亦經歷過人生低潮,自 05年於有線主持過《活得很滋味》後, Tony後繼乏力。冇工作之下, 08年 Tony便加盟何超瓊旗下的天機公關。「 07年尾 Tony幾乎冇 job接咁滯,其實佢好想留喺呢個圈度發展,所以 08年佢去咗 Francis(鄭紹康)間公司度做公關,同圈內人可以繼續 keep住聯絡,又可以識多啲人,對未來點都有幫助,直至 08年年尾受 now邀請做主持,先唔做公關辭職囉!不過佢係同 Francis(天機 CEO鄭紹康)傾好曬至走,所以佢兩個到𠵱家關係都好好㗎,話曬 Francis年中又搞咁多大型 event,同 Francis老友,有好嘢點都會益埋佢嘅。」知情者說。

16/1

下午 2點,洪永城同「天下第一關」鄭紹康喺金鐘奕居( Upper House)茶敍後,二人離開時仲喺奕居正門吹多陣水,關係相當唔錯。

飯後鄭紹康仲放咗二人合照到社交網站,更開名支持 Tony新劇,幫對方賣廣告。網上圖片

08年 8月, Tony於何超瓊旗下、鄭紹康任 CEO的天機公關 Last day,一班同事開 P歡送 Tony,看來 Tony跟同事關係不錯。網上圖片

搬靚樓揸寶馬

上週四( 16日)下午 2點,本刊便發現 Tony孖住天機公關 CEO Francis(鄭紹康)在金鐘太古廣場的奕居聚舊, Francis有司機接送,而坐開港鐵的 Tony已升呢,駕住貼住 P牌的寶馬離開。向來是「香港人」的 Tony相當熟路到上環文咸東街買海味、又到天後買車仔麵,之後便直駛返鯉景灣新居。

據知 Tony近日正等公司安排新節目《走過足球聖地》的出發時間,手上未有其他工作的他,只係閒時出席活動和宣傳新劇《單戀雙城》。

上週五( 17日)冇工開的他便到附近的西灣河街市買餸返家玩煮飯仔,見他與魚檔老闆有傾有講,口花花 Tony估唔到連男老闆都有兩嘴。買完餸的 Tony即箭步返新居。據 Tony的身邊人透露,近月他另一男友人夾份租住鯉景灣兩房單位。查實 Tony上年連開 3劇加上大量活動酬勞,一個人交租都綽綽有餘。

街市口水佬

已經住咗鯉景灣一段時間嘅 Tony,連街市菜檔老闆都有傾有講,咩人都俾你冧死啦!

愈住愈豪: 13年 9月筲箕灣舊樓

去年 9月本刊發現 Tony仍租住筲箕灣新成中心。

上年本刊發現洪永城除咗返筲箕灣,亦會返天後維多利中心,原來洪永城嘅父母居於上址,所以洪永城經常都會到上址探父母。

14年 1月鯉景灣新居

買完餸 Tony箭步返回鯉景灣新居,鯉景灣嘅細單位月租也要 1萬 8千,今日洪永城搵到錢,自然可以愈住愈好。

去年憑《走過浮華大地亞洲篇》同翠如 BB攞獎,令二人身價上升不少。網上圖片

14年狂入屋

TVB鬧小生荒,造就由綜藝科總監餘詠珊一手拉入 TVB的洪永城上位。 13年洪永城前後拍了 3套劇集,今年 3劇將會陸續播映,加埋主持為世界盃而設的節目《走過足球聖地》,洪永城今年應該會不斷「入屋」人氣應該有增無減。

《單戀雙城》孭飛

《單戀雙城》剛播,洪永城首次拍劇仲要戲分拍得住陳展鵬,今次暗戀完陳茵媺,最後就同林夏薇係一 pair, Tony拍完《單》劇之後更被監製方駿釗點名係可造之材。

《愛我請留言》做男三

已經安排好在 3月底播出的《愛我請留言》雖然只飾演男三,不過就同好拍檔翠如 BB做情侶,一定大把火花。

《男大當婚》做男二

再做男二,今次更拍住黎耀祥、蘇玉華等好戲之人。

《走過足球聖地》

落實會找 Tony同翠如 BB再拍旅遊節目《走過足球聖地》,並預計於 5月,世界盃前播映。唔使多講都知 TVB相當重視呢個節目。



鍾意就快D Share啦!