2014年2月12日 星期三

[FACE 351] 博上岸 新 Benz任揸 龔嘉欣脫貧等嫁富二代 龔嘉欣,MF,




老闆娘上身

上月( 6日), Denley旗下 Fifth Salon開張大吉,龔嘉欣帶埋髮型師 Bowie跳槽,還以老闆娘身份現身開張儀式和慶祝派對。

真面目

博上岸 新 Benz任揸 龔嘉欣脫貧等嫁富二代

人仔細細,緋聞男友一大籮, 24歲龔嘉欣自從 12年同穀底王鄧健泓分手,一直不愁寂寞,先傳香港先生許家傑、再搭影圈新秀沈震軒,去年八月又被傳媒拍到同富二代陳世俊撻著同居,樣靚又夠嫩口,果然有著數。

相戀大半年,原來富二代愈愛愈著迷,開髮型屋帶嘉欣過老闆娘癮,仲送埋 Benz畀女朋友揸手。有望做少奶,難怪龔嘉欣當正藝員係風流工,一早等上岸。

其他影片

上週六( 8日),紅光滿面的龔嘉欣出席情人節活動後,不肯承認與 Denley戀情,但一講起男友送車就笑到唔停口。

08年加入無綫,龔嘉欣幕前演出未算突出,收入唔多只租幾百呎將軍澳樓,反而同年長 16年的鄧健泓拍過拖,拖前拖後都觀音兵無數最為人熟悉。去年中撻著富二代陳世俊,拍拖未夠一年,嘉欣已經急不及待向身邊朋友曬命:「唔使做!」

酒後真言

30歲新歡陳世俊雖然沒有個人名下物業,平時辦公時間在上環美國金城實業寫字樓打躉,現時居住的天後廟道傲龍軒及雲峰兩頭住家都是疑似陳父的陳招名下,洋名 Denley的陳世俊個人亦相當進取,除幫家族生意「廬山置業」擔任執行董事外,早前更在中環與友人合資開設高檔髮型屋「 Fifth Salon」。

男友開 Salon,嘉欣不僅帶埋幫襯多年髮型師 Bowie過檔、開張當天拉隊與好友樂瞳、姚子羚捧場、不遺餘力在微博宣傳外,據知情人士透露,當晚的開幕私人派對,嘉欣亦以老闆娘身份全場飛。不勝酒力兩杯落肚後,便醉醺醺向在場姊妹自爆好事近。

姊妹宣傳

經常約埋老友樂瞳幫襯,嘉欣次次都不忘一邊整頭一邊發微博 tag埋 Fifth Salon不放過任何宣傳機會。

力護女友

週一 Denley離家時對任何問題一概答:「冇回應」,直到記者問「怕唔怕女朋友俾人話貪錢?」即有反應:「冇啲咁既事。」

送情侶車

「富二代嚟講, Denley算好生性又專一,最緊要佢真係好錫嘉欣。嗰日開幕儀式,始終外人多又有記者,嘉欣算收斂,夜晚 after party飲多兩杯,佢就真係老闆娘一樣滿場飛喇。仲親口同班 friend講,話佢收咗架開篷 Benz跑,有人養唔使做都得喎!」在場人士說。

龔嘉欣口中嘅「 Benz跑」,實情只係新車價 40萬的平治 A-Class,唔算跑車但貴在心意, 13年才落地就送畀女友任揸,又掛上同樣「 887」車牌與自己的保時捷配成一對,對以往揸開 mini的龔嘉欣來說,已算升呢!可惜二人夾過口供,對本刊訪問一概「唔回應」,不過上週六( 8日),嘉欣聽到本刊追問男友送車時仍笑到面紅紅,而 Denley雖一樣封口,惟被問到「怕唔怕女方俾人話貪錢?」他即搶答:「冇啲咁嘅事!」嘉欣地位好穩陣!

情侶車牌

自己平時出入渣車牌 887波子, Denley去年 7月入手的簇新 Benz,亦掛上 887車牌,就送給女友代步,長泊嘉欣調景嶺寓所停車場。

有報道話嘉欣同 Denley同居,不過新年時龔仲布置緊將軍澳都會駅香閨, Denley就長住天後廟道,拍拖好小心。

鄧健泓愈食愈黴

龔嘉欣有望做少奶,相反分手年多的前度鄧健泓就但求就手,愈食愈黴。繼分手後極速撻著「豬港姐」張嘉兒,對方又極速斷纜轉食大隻男後,最新動向是與合演舞台劇《大酒店有個荷里活》的前 Freeze成員石詠莉同居兩個月。其實 40歲男人要求不太高,都不愁冇人愛。

相戀兩個月,鄧健泓已經與石詠莉同居兼見埋家長,發展神速。圖片

拍完《飛虎 II》做閒角,未有劇開的鄧健泓,話將會專注音樂事業,去年尾他的樂隊 Jazz Tricks作品入選《 Cash流行音樂大賽》。

麥玲玲:今年閃婚!

日前龔嘉欣上載手指腳趾玉照,有人話佢手指係少奶手、又有人話佢腳趾「二趾長過公,唔死一世窮」。麥玲玲就話唔關事:「做唔做到少奶,唔關手指腳趾時,關面相同八字啫。嘉欣今年桃花旺,好大機會拍拖同結婚。不過想修成正果,同本地男仔就會多波折,對方係外地返或者異地戀,咁做少奶機會就大好多!」

網上圖片



鍾意就快D Share啦!
Related Posts Plugin for WordPress, Blogger...