2014年2月12日 星期三

[FACE 351] 利是 MF,




FBI

利是𢭃來

年年都一樣,收爐四萬咁口,開工就初四咁樣?咁又未必! FBI年年都等呢日㗎!不過咁,早年經濟好,間中都有老闆級、名媛級、影壇大哥級封金牛做利是,不過呢幾年縮水嘅縮水、北上嘅北上,「金牛」;以至「大牛」驚喜買少見少,最豪大利是都係得一百蚊。

高級組$100 容祖兒永恒 Miffy

容祖兒年年都派 1百、年年都係用最愛 Miffy,今年佢戴住 Chanel頸鏈成個闊太咁現身,都係派紅衫魚,遲啲同師兄拉埋會唔會加碼呢?

陳豪今年回本

舊年結埋婚生埋仔,今年陳豪派利是派得特別喜慶,封封「紅都面曬」,最搞笑係陳豪話利是有望回本,「好多朋友嚟我屋企拜年派利是畀我個仔,幫我回曬本。」

張智霖派完先飛

Cool魔雖然輸咗視帝,不過舊年名利雙收又點會志在個獎,初二開完年派完利是,即飛馬爾代夫全家豪玩。 Cool魔話:「初四先飛,其實一年一次派利是係必需,我好鍾意派喎!」

郭富城醒神紅衫

城城年年都喺海港城開年、年年都係派「郭」家利是封、年年都係「紅衫魚」,不過今年回復單身一樣派得好開心,「周潤發係賭神,我係城(醒)神。」

初級組$50

樓上嗰啲天後天王派緊紅衫魚;樓下呢兩位派 50蚊嘅,其實一個自己搵到亦泊到好碼頭峯峯;另一個喺電視台上位中、亦成功紅遍強國,搵到都派 50蚊。不過 FBI覺得呢啲叫謙,唔係孤寒嘅。

吳千語等加碼

千語 BB雖然泊到好碼頭,但其實出道得 3年、得嗰 20歲人仔,派 50蚊利是叫啱啱好。遲啲嫁入林家先加碼都唔遲。

王祖藍派住𢭃

新劇《食為奴》又係擔正又係有份創作, FBI睇好祖藍好快升班派 100蚊。不過佢話未諗結婚住,「我仲想收多幾年利是錢喎!」



鍾意就快D Share啦!
Related Posts Plugin for WordPress, Blogger...