掃呢頁CODE去手機

2014年3月13日 星期四

[壹週刊 1253] 大 22年泰國蜜遊 呃足三年 林宥嘉滾𡃁妹  G.E.M.驚爆父女戀 G.E.M.,林宥嘉,鄧紫棋,M1,




娛頭

大 22年泰國蜜遊 呃足三年 林宥嘉滾𡃁妹  G.E.M.驚爆父女戀

參加湖南衞視王牌節目《我是歌手 2》,唱到街知巷聞紅爆中港的鄧紫棋( G.E.M.),與台灣歌手林宥嘉暗交超過三年,上月女方突然在微博暗示分手,原因是男友劈腿。今個月初, G.E.M.在《我 2》中以《龍捲風》唱別三年情。

多年情話甩就甩, G.E.M.情感缺口,原來已有人極速補上。與她一起打拼多年的音樂監製兼公司老闆之一、現年四十四歲的 Lupo Groinig,在 G.E.M.情變期間乘虛而入,兩人火速撻著,一段年齡差距二十二年的父女戀,行埋兩星期,新鮮滾熱辣。

Lupo是公司老闆之一,亦是 G.E.M.的音樂監製,兩人朝夕相對下感情很好,在 G.E.M.失戀期間,得到 Lupo的關懷備至,因而火速撻著,發展父女戀。

曖昧短訊

G.E.M.與台灣歌手林宥嘉地下情三年,去年七月,二人拖手出席台灣金曲獎,首次正式公開戀情;但這段異地戀過去卻不時傳情變,上月, G.E.M.忽然在網上告示與男友分手,導火線是男方不下一次「偷食」, G.E.M.忍無可忍,決定斬纜。

「 G.E.M.同 Yoga(林宥嘉)三年來都係聚少離多,佢明知男友唔專一,但山高皇帝遠,睇唔到唔知嘅就當無事;最弊係有時難得大家可以見到面, Yoga個電話都係不停響,有好幾次仲俾 G.E.M.睇到啲曖昧對話。

「 G.E.M.同 Yoga攤過幾次牌,踢爆佢講大話,每次 Yoga就認錯扮可憐,又話係啲女仔自己纏住佢,仲發誓話唔會再有下次!點知 Yoga又搭上同門師妹陳匡怡, G.E.M.問過佢好多次係咪同個女仔有嘢, Yoga都唔多出聲。無風唔起浪, G.E.M.明知道係真,已經嗌分手,點知再嚟多個丁文琪!情人節佢兩個見唔到面, Yoga就同丁文琪出街睇戲食飯,仲自己喺個 facebook改 status,由交往中變單身,大家都冇彎轉,而家一刀兩斷,連朋友都冇得做!」知情者說。

今年二月, G.E.M.在微博暗示男友多次劈腿,在不能原諒對方重複犯錯下,「宥棋戀」維持三年告終。

火速與 Lupo撻著的 G.E.M.,不避嫌地在 facebook寫上與男友在錄音室相處整天。

Yoga與 G.E.M.三年的地下情,據知因男方多次背住女友偷食而多次鬧翻,最近更因陳匡怡及丁文琪的介入,令到 G.E.M.不能再忍下去,分手收場。

師妹陳匡怡

丁文琪

戀過林憶蓮

本月七日生日的 Lupo,正在北京與 G.E.M.工作,放工後, G.E.M.與經理人 Tan為男友慶生。

多次不忠,令 G.E.M.對三年情徹底死心,不過,放手的同時,另存在誘因。

事實上,不再留戀舊愛的 G.E.M.已另覓新歡,對方正是近在咫尺、與她合作多年的音樂監製兼公司老闆 Lupo,兩人開始只有半個月時間。

現年四十四歲的失婚 Lupo有唔少情史,曾經同過林憶蓮一齊,但只維持好短時間,也曾同過 Mandy Lieu,連同 G.E.M.,可見他對有身材但又唔太高大的女仔,特別喜好。

「 G.E.M.初初同 Lupo合作,已經話佢型得嚟有才華又識搞笑,雖然大自己一個 double,做得佢老豆有餘,但勁 like佢。之前 G.E.M.做訪問,話一個成功女人背後要有個有才華嘅男人,大家以為佢講緊 Yoga或者經理人 Tan(張丹),但實情係講緊 Lupo。

「由出道開始, G.E.M.嘅音樂都係 Lupo經手,兩個嘅感情早已經積落,就算之前 G.E.M.同 Yoga拍拖,佢都唔會避忌同 Lupo攬嚟攬去,肉緊時仲會錫添。」

名師高徒

現年 44歲的 Lupo Groinig是蜂鳥音樂的總監及公司老闆之一,在奧地利出生的他, 19歲已成為當地著名搖滾樂隊 Fahrenheit首席結他手,樂隊有不少音樂作品,都是 top ten hits。 93年, Lupo移居洛杉磯,並在荷李活的 Musicians Institute做了九年講師,新加坡歌手蔡健雅也是他的學生。此外,他也為不少荷李活電影做配樂,例如《 Toy Story 2》。

一早撻著

近水樓台,這段「父女戀」,早在年前已開始播下種子。

「嗰次 G.E.M.要去幾日泰國做嘢, Lupo本來冇份,點知佢話一齊去玩,全程 Lupo同 G.E.M.糖黐豆咁成日一齊,又攬又拖,一個椰青兩份飲!當時 G.E.M.仲同緊 Yoga拍拖,所以大家就算冇出聲,其實都知佢哋有嘢。」知情者說。

G.E.M.初入行時已對滿有音樂才華的 Lupo仰慕不已,經常主動搵他談天說地,兩人的感情建於當時。

雖然 Lupo比 G.E.M.年長廿二年,但二人並沒有代溝,鬼佬 Lupo常扮鬼扮馬氹 G.E.M.,是一名大細路。

情傷後的 G.E.M.沒有怨天怨地,反而充滿正能量,最近在微博寫的文字甚有鼓勵性,因為她已覓得有情郎。

Lupo的情史內原來包括林憶蓮及 Mandy Lieu等人,可見他的魅力所在。

拍檔戀人

日久生情,娛樂圈有不少例子,可惜大部分拍檔變為戀人後,因公私難分,關係有變化反而壞事,甚至分手收場。

王菲 竇唯

竇唯與王菲由《誓言》已開始合作,王菲兩岸三地的演唱會,竇唯一直負責打鼓, 96年,王菲懷孕,一度放棄事業,搬返北京; 97年產下女兒竇靖童後,婚姻維持至 99年宣告離婚。

梁洛施 陳輝陽

04年, 38歲的陳輝陽為 17歲的梁洛施監製處女碟,二人朝夕相對下譜出忘年戀,在公司壓力下,二人戀情一年便告終。

林憶蓮 恭碩良

11年, 44歲的林憶蓮被揭與合作一年多、 33歲的恭碩良拍拖,並發展至同居關係,拍拖三年,兩人仍恩愛。

煮飯氹女

已屆中年,但 Lupo來頭不俗外,還有煮飯同搞笑兩招殺女技。

「外國人特別熱情, G.E.M.同 Yoga分手唔開心, Lupo會主動陪佢,又會搞氣氛唱幾句歌氹佢開心,甚至整嘢俾佢食,對 G.E.M.嚟講, Lupo根本分唔開公定私,加上兩個都好夾, G.E.M.同 Yoga分手,好自然就同 Lupo撻著。雖然啱啱開始,但佢哋都冇乜避忌,前排 G.E.M.去北京, Lupo又去,上星期五(七日)係 Lupo生日, G.E.M.都有喺北京同佢慶祝。」

紅過前度

三月初參加《我是歌手 2》的 G.E.M.,以一曲《龍捲風》奪冠,當時她已跟 Yoga分手,特別選此曲代表情不再。

呢頭甩拖,嗰頭又有拖拍的 G.E.M.心情大好,就連工作,也表現得比以前積極。

「 G.E.M.同 Yoga一齊嗰陣, Yoga啱啱上位紅緊,所以佢哋喺香港拍拖斷正俾人影到, Yoga躁到鬱曬手,而家掉番轉, G.E.M.喺內地人氣已經跑贏 Yoga,亦有自己目標,男友一而再對佢不忠,今時今日嘅 G.E.M.冇可能忍得到,就算分手,佢都唔係傷心,反而係覺得了斷咗一件事,做嘢都落力啲。」知情者說。

是非多籮籮

入行六年, G.E.M.憑聲線洪亮及氣度十足被冠巨肺之名,公認唱得,但因性格火爆,很容易得罪人,被指恃紅生驕。

每次影相,不難察覺 Lupo定必在 G.E.M.的左右,可見他的地位重要性。

G.E.M.同 Lupo因音樂關係常走在一起,平時最喜歡黐在一起自拍,非常 sweet。

入行六年的 G.E.M.,偏向黑人曲風的音樂大受外界歡迎,身為她音樂監製的 Lupo居功至偉。

Xanga鬧人

2011年 11月, G.E.M.的網誌 Xanga被黑客入侵,她 15歲時撰寫的 Xanga內容被放上高登討論區,當中包含粗口,又狂鬧吳卓羲、鄧麗欣及胡杏兒, G.E.M.接受記者訪問時,承認是自己寫的網誌,並表示當時很低能,向被罵三位藝人道歉。

反叱吒

2012年尾, G.E.M.表明不會出席商台舉辦的叱吒樂壇頒獎禮,更在 YouTube上載一段《 G.E.M.對香港頒獎禮的看法》短片,表達自己對已變質頒獎禮態度,引起商台上下極度不滿。

當甄妮透明

2013年 1月,資深歌手甄妮公開指責 G.E.M.不懂禮貌沒有家教,在後台見到她不會打招呼,雖然 G.E.M.在網上表示只是一場誤會並向甄妮作出道歉,但她的歌迷仍在網上四處惹火頭,令事件愈鬧愈大。

做梁粉

2013年 8月, G.E.M.在「香港集思會」的刊物中發表支持特首梁振英的文章,由於她提出的理據極牽強,引起輿論關注及廣傳, G.E.M.隨即被網民狂轟。



鍾意就快D Share啦!