2014年3月20日 星期四

[壹週刊 1254] 發嫂「洗街」 45分鐘 發嫂,陳薈蓮,M1,




同你吟一吟

發嫂「洗街」 45分鐘

老公開工,一定落埋場睇頭睇尾嘅發嫂,上星期六(三月十五日)同近期喺廣州拍杜琪峯新片嘅發哥,一齊熬咗兩粒鐘車返香港,之後仲趕頭趕命去街市。

《壹》仔跟住發嫂轉來轉去,數住佢起碼轉咗六、七個場,仲要係唔同街嘅鋪頭,買完放上車,再轉位,全程摩打腳。

買慣買熟,發嫂個個都識,去到賣日本生果食品嘅永富,仲有老闆娘請食嘢。要買餸又要唔同鋪唔同人吹番陣,洗街式掃咗大半個鐘,終於可以返歸煮飯。

有錢太,好似周潤發太太咁辛勞嘅,一定唔多囉!

一名多事女人向發嫂報串有記者影相,本來同魚檔老闆傾到好開心嘅佢,當堂一愕。

買嘢一定自備購物袋嘅發嫂,買完放番上車再去下一站。

發哥鍾意食榴槤,發嫂聞清楚夠唔夠滋味先買。

檔檔熟,發嫂不但自出自入,仲有人請食嘢。

兩公婆都主張食清啲,菜檔必到。



鍾意就快D Share啦!
Related Posts Plugin for WordPress, Blogger...