娛頭
住劏房樓 機鋪掃地 容祖兒丟低一千蚊過年 阿爺死心：我哋冇來往！
手上持有超過二億物業、人稱「樂壇小富婆」的容祖兒，自 99年出道以來，一直是楊受成旗下英皇一姐，事業得意，去年更一反常態，高調承認與劉浩龍拍拖。
女尊男卑，屢被指貼錢養起男友，但天後愛情至上，相反，祖兒卻冷待年屆七十有多、仍要為三餐一宿到機鋪打工的爺爺，今個農曆新年，祖兒只隨手丟低一千蚊俾老人家過節，爺孫親情紙咁薄。
祖兒媽禁見
身為容天後男友，戀事未有帶旺劉浩龍事業，工作量與收入持續低水，難得祖兒夠大方，包機票食宿帶埋男友到美國陪自己學舞兼拍拖，甚至傳她打本俾劉浩龍開餐廳做老闆。
有錢兩份使！對男友疏爽，但容祖兒對同自己血濃於水的爺爺，卻一個天、一個地。祖兒十五歲父母離異，自此與胞弟跟母親相依為命。有指祖兒生父容錦輝原本做水貨車買賣，後來到深圳開「色情」酒吧，再另娶比祖兒還年輕四年的哈爾濱少女，並育有一子。
由於容父在內地工作時，曾借女兒名字招搖，祖兒媽擔心前夫會影響女兒事業，故多年來一直禁止祖兒與容家接觸。
「好多街坊都知佢係容祖兒個爺爺，聽容伯講，咁多年都冇機會見嚇個孫女，靠電視報紙雜誌先知祖兒消息，之前祖兒開跨年演唱會，老人家都係用自己啲辛苦錢買飛捧孫女場。」知情者說。
細嫲氣頂
年約七十歲的祖兒爺爺，早年再婚，與祖兒的細嫲住在劏房林立的大角咀四十年舊樓。據知，兩爺孫已多年無見，直到今年年初，祖兒罕有現身，但丟低一千蚊便匆匆離去，令兩老氣上心頭。
「咁多年佢（容祖兒）都好少返嚟探我哋，今次見面係為咗啲衰嘢，求其丟低一千蚊就走，不如唔好俾，我兩老唔係靠佢一千蚊開飯，佢而家咁紅，俾得出都有失自己身份啦。」祖兒細嫲在酒樓跟街坊大吐苦水說。
立立亂
一手一腳湊大 Joey同細仔的 Joey媽餘金鳳，心知容家上下問題多多，為免影響阿女事業，故一直出手阻止 Joey與容家聯絡。
容爸開色情酒吧
曾任水貨車經紀的容父容錦輝，有指女兒曾打本給他做成衣生意，但執笠收場，之後容父到深圳開色情酒吧，更在店內張貼女兒的簽名海報。
自食其力
祖兒的爺爺一把年紀，仍要打工捱騾仔，未能退休享清福。
上週四（三月十三日）早上十點，容伯到太子一間遊戲機鋪返工，店內裝修殘舊，四圍煙霧瀰漫，容伯坐在收銀處幫客人找換一圓硬幣，更要幫手掃地執煙頭。中午十二時食飯時間，細嫲買了個外賣飯盒帶給容伯醫肚，再到附近救世軍店鋪行街執二手平貨。
「容伯有筆退休金，但佢兩老都要慳住使，班後生又唔生性，從來冇人拎錢返嚟，所以容伯要響機鋪做兼職幫補生活。機鋪人工好低，三十蚊個鐘，日做七粒鐘，咩都要做，都好辛苦。」一位街坊透露。
關係如水
下午五點收工，容伯會合細嫲，到旺角一個熟食中心開餐，記者上前做訪問，提起天後孫女，容伯一臉愁容。
「一言難盡，我哋好少見面，每次佢（祖兒）返嚟唔夠五分鐘就滾水淥腳走；咁多年都無聽過佢喺人面前提我呢個阿爺，淨係得個阿媽。我哋關係淡如水，只係大家都姓容，佢流住我哋姓容嘅血。」
問到有否掛住孫女？他嘆氣說：「掛都無用，就算話請佢食飯，佢都唔得閒；好多年前佢都有打嚟講過食飯，但最後冇咗影。」
本週一（三月十七日），祖兒到鰂魚湧做瑜伽，離開時被問及有關與祖父、母感情淡薄，她表現愕然，停頓幾秒後才回答：「唔回應！屋企事處理得好好，間中都會打俾爺爺，至於爸爸，就冇聯絡。」
無情講
家家有本難唸的經，容祖兒同爺爺關係差，圈中亦有唔少父子、兄弟反面事例。
|
鍾意就快D Share啦！
|
|
|
