城城話同苟姑娘一齊出活動冇諗緋聞問題，不過苟姑娘表現怕醜，甚少同城城眼神接觸。
同你吟一吟
城城扮冧苟姑娘
呢期城城郭富城俾人一次又一次踢爆網交圈中妙齡女，包括 19歲嘅周秀娜師妹 Kabby許雅婷，仲有 20歲「魔鬼胸」蔚雨芯，最老嗰個係 21歲「老翻謝安琪」吳若希。件件蔔蔔脆，但上星期四（三月十三日）出席代言手錶活動，城城強調同呢班後輩網交，純粹社交。
唔認冧妹妹仔，對於同場出現嘅過氣「城嫂」苟芸慧，城城反而讚到天上有地下無：「我哋有傾偈，見佢容光煥發好精神，面色好又靚咗，絕對係女神！」仲話希望再有機會合作。
雖然苟姑娘是日穀胸上陣，但減肥尚未成功，離女神寶座其實仲有大段距離，但患上甲狀腺病嘅苟姑娘就承認當日同城城傳緋聞，間接令自己得到呢個病。「我唔想賴人，但第一次面對緋聞，自己唔識處理，而家仲食緊藥，因為會心跳，唔可以做劇烈運動，（見城城有冇心跳加快？）你話呢？我未食藥！」響邊度跌低、邊度爬番起身，苟姑娘都幾醒！
|
鍾意就快D Share啦！
|
|
|
