掃呢頁CODE去手機

2014年3月20日 星期四

[壹週刊 1254] 重口味女神反擊:豬扒又如何? M1,




貓貓好不容易鼓起勇氣著戰衣夜蒲,但旁人的淩厲眼光,一棍把她打沉。她無奈地說:「生得醜,你估我想嘅咩。」

城市打遊擊

重口味女神反擊:豬扒又如何?

D小姐被指網上相片貨不對辦,風波引爆中港台網民的「豬扒」熱話,原來網上充斥很多「重口味」港女,她們被泛稱為「扒女」,雖然沒有女神樣貌,但憑著賣弄誇張上圍,神乎其技的自拍、執相技巧,無所不用其極的溝仔手段,一樣獵到食。

除了虛擬世界,尖沙咀 club場也是「重口味」港女的溝仔樂園。有別蘭桂坊的曬命夜店,尖沙咀的蒲場較為平民化,入場門檻也較低,每到週末,不少扒女聯群結隊到夜店獵仔,因為主動、體貼,無公主病,竟撼贏不少自命高貴的索女,反成為蒲場奇葩。

貌似吳孟達的「貓貓」沒有大眼仔、假睫毛,沒有戰鬥格低胸短裙,反傳統以零化妝、架粗框眼鏡,一身牛記、波鞋的街坊裝 clubbing,反而勾起蒲男好奇心,顛倒眾生,因此被網民起底惡搞,一度成高登紅人。

上天至為公道,給她一副魔鬼臉孔,同時給她經濟實惠的腦筋,善解人意的心腸。溫柔,就是她的最強武器。











「重口味」蒲妹其實很多,通常都靠濃妝艷抹掩飾真面目,若然是「重量級」,會變本加厲露出半個酥胸,企圖把視線由上至下轉移,做到「呃視覺效果」。但像黃婷婷那樣「坦蕩蕩」,夠膽以去茶餐廳的街坊裝 clubbing,就只此一家。

怎麼天生不是靚女

每到週末,重口味兵團空群而出,與索女一較高下。

「哈,冇法啦,樣輸、身材輸,高度又輸,灰呀,化妝又點,落咗妝第二個樣冇意思啦,不如做番自己。」貓貓坦言自小被嘲笑是「校花」,各種不堪入耳的難聽說話,早就聽得麻木,後來發覺先響亮地自我嘲笑,別人會不好意思再取笑下去,久而久之成自嘲高手。

「個樣零分啦,我認係豬扒、侏羅紀㗎,真係豬嘛,做人要有自知之明。最唔滿意棚牙,其次係對眼,有千幾度近視,而且鬥雞。」

哪個少女不貪靚,她也有一件黑色吊帶低胸戰衣,但因自覺點扮都不靚,所以由得它在衣櫃塵封。之前有朋友看不過眼,大改造她,讓她恤鬈髮、戴大眼仔、化妝,但貓貓寧願做回自己,「我都有尊嚴㗎。」

兩張王牌在手

不過,說到她引以為傲的兩張「王牌」,她就笑到見牙不見眼,其一是 36D的上圍,她得戚地笑:「啲女仔會特登撞過來,試嚇我真定假。」另一樣是抄牌,「我好吹得水㗎,喺超級市場買減價檸檬茶,傾傾嚇都可以抄到男仔電話。喺蒲場更加掂,逢人嗌靚男靚女,通常飲幾杯,玩兩轉骰盅就 friend咗。依家 WhatsApp有十九個 group,契細佬都有七十幾個,有咩事,好多 friend都撐我。」

貓貓很懂得生存之道,但其實她只有二十五歲。她對上的一個哥哥、兩個姐姐都不顧家,結果反而由她這個孻女擔當大家姐角色。爸爸是五金工人,以前經常把天生聾啞的媽媽打到傷痕纍纍,她看不過眼,十四歲就輟學,離家出走,在茶餐廳、酒樓做黑工,晚上跟朋友到尖沙咀夜蒲。

不是每個重口味都吃得開。貓貓開朗玩得,在蒲場十分搶鏡,男友 Eric(中)時刻傍住,唯恐被人搶走女友。害羞的「C朗」(右)只有羨慕的份兒。

好色不是男人的專利,看著 James,貓貓笑到見牙不見眼。

慘被網民惡搞

因為她外形沒有殺傷力,交際吹水能力強,反容易結交朋友, club場遂請她兼職做 party搞手,帶客入場玩,在開貴賓枱、酒水中抽傭。有了身份,她的吸引力又倍增,不少蒲男見她在 club場有牙力,跟她去玩有面子,叫酒會有著數(折扣),於是就心甘情願追隨她左右,成為其他人眼中眾男圍扒女的奇景。

不過,貓貓也有扯火的時候,去年底她的夜蒲和嘴仔相被人放上討論區,網民恥笑她的外表,更瘋狂起底和圍攻,什麼「女版吳孟達」、「蒲場葉繼歡」,極盡刻薄挖苦,玩足三十二版,更將她的 facebook戶口、手機號碼放上網,搞到一晚間有百幾人 add她,滋擾電話響成晚。

「生得醜,你估我想咩,何苦搞我啫。最離譜係話我落迷姦水呃仔,我係豬扒,但未至於冇人追囉,同時兩個人追,點都會有。我同自己講,唔好同冇文化的人計較,唔值得嬲。」

被網民惡搞,她依然故我,一副老娘什麼也不怕。

專溝混血靚仔

她說十四歲初戀,不計貪玩劈腿、「娛樂嚇」的男朋友,至今拍拖十四次,有做廚師、酒吧經理,也有做生意,住深井豪宅,其中有三、四個是在蒲場認識,「男朋友呢,一定要有愛心,鍾意貓,俾到我安全感,識照顧我,樣反而是其次,正常見得人就得。」

她說之前的男朋友都相當靚仔,有幾個還是混血兒。記者初時半信半疑,但在茶餐廳訪問期間,果然有混血俊男搭枱閒聊,眼神依戀,問他是否曾經是拖友,他一味傻笑,不置可否,貓貓後來解釋:「我哋拍過幾日拖,其實都唔算男朋友。」

她的現任男友 Eric的外形也見得人,而且只有二十歲,是相差五年的姊弟戀。兩人三個月前在蒲場邂逅, Eric自言第一眼見到她,已被她的另類打扮深深吸引,「其他女仔都著緊身裙,露大腿,佢就著背心牛仔褸,我心諗,呢個女仔都幾夠薑和特別。」

一大夥年輕人玩通宵,吃早餐時,貓貓突然繑著他的手臂,跟他自拍, Eric坦言錯愕之餘,十分感動,「其他女仔都好公主,要你不停服侍,反而從來未試過有女仔咁主動,好想試嚇同呢種女仔拍拖會點,最主要係嗰日冇咩事發生,喺個場又玩得開心,心情好,咪試嚇一齊囉。」他說出得來玩,都是心靈空虛,和生得靚的女仔玩得多,有時更覺悶,反而和能言善道的貓貓一起,起碼「唔會悶」。

站在高鈞賢身旁,表現出一副冧樣。

Jeana和娜姐都是女神,但貓貓說較崇拜後者,因為夠女強人格。

俾到蒲男安全感

貓貓說因為多靚仔圍,不時被其他蒲妹在網上惡意攻擊。

更重要的是,之前 Eric蒲蘭桂坊,經常吃檸檬,對忸怩的港女很厭惡,「蒲老蘭的女仔都鍾意聰明的男仔。請女仔飲嘢,要估佢哋想點,如果佢哋話『唔使啦,我自己埋單』,呢一個係訊息,表示談話結束。偶然一兩次冇所謂,但若經常如此,就好似估一個永遠猜唔中嘅燈謎,你會覺得好煩。有些女仔鍾意要男友估,今日食咩?自己估啦,如果日日要咁估,會好煩。估估估,煩過考試,食咩呀,食自己啦。」

他說「重口味」並不可怕,男人最驚的其實是「食錢獸」、「河東獅」兩種女人,前者不用多說,後者因巴辣,喜歡事事揸旗,會令男人在朋友面前抬不起頭。

另外, Eric覺得,男人亦很怕女朋友突然分手,若有個索女女友,會經常提心吊膽,一旦失去,自尊心會「唔見咗樣嘢」,「當發現自己不是佢唯一的選擇,真係好驚,分分鐘唔夠一兩星期佢就要分手,問點解,佢話搵到第二個。嗰嚇要睇自己玩唔玩得起,如果識自我安慰,『佢都唔係咁好』或者『女死女還在』都好啲。但無論如何,俾人『撬』一鑊真係痛,見到身邊有些朋友痛咗幾個星期,日日典床典蓆返唔到學,都咪話唔驚。所以重口味有個好處,至少有安全感,唔會被人飛。」

理論如此,但拍拖不到幾日, Eric卻發現一件詭異的事,就是女友的電話內容,經常提及金錢。他即時擔心自己遇到扒女老千,於是向她了解,才知她是家庭經濟支柱,每月要給媽媽三千元家用,另外自己要交五千元屋租,荷包十分緊張,「簡直係後現代關雲長,有情有義,就係鍾意佢揹得,以前未接觸過好似佢咁的女仔,有分加。」

擊退呃錢小三

可惜愛情不是講尊敬,拍拖兩個月, Eric頂得住貓貓外表,卻頂不住她的喜歡話事、說一不二的性格,於是他另結新歡,溝了一名港女,誰知這次他真的遇到老千,馬上中招。原來對方聲稱遇到麻煩,被人要求賠償一部手機, Eric沒有錢,於是做擔保人,問朋友借一千多元,女友後來拒絕還錢,朋友遷怒 Eric,十多年朋友因此反面。

「中招後第一個想法是,原來以前貓貓好保護我,覺得自己錯過咗一個好女仔。」未幾他們在朋友家中重遇,「以為佢一見我會兜巴星,但佢今次冇落井下石,仲同我做番朋友。」 Eric離開小三,向貓貓認錯,在情人節前夕復合,但仍不敢在朋友前拖手,其中一個原因是,貓貓不想再承受「美男與野獸」的目光。

「啲眼光會唔知想點咁,有啲人仲會笑出面,『嚇,你同件豬扒出街。』以前男朋友嘅朋友會將我同前度女友比較,或者男朋友嘅前度喺度陰笑,呢樣最嬲。其實兩個人拍拖,關佢哋咩事呢。雖然自己明白,但都好難受。」貓貓苦笑說。

Eric坦言,有些朋友會笑他重口味,呢件冇得輸,「得啖笑囉,我唔會睇樣做人,就算全世界覺得佢係一件豬扒,我都會同佢做朋友。樣係天生,冇理由因為樣衰冇朋友,性格、相處先係最重要。」

視貓兒為知己,於是收養很多流浪貓,連自己花名也叫貓貓,打開衣櫃,竟然也有一隻走出來。

煮住家飯是另一撒手鐧,上月情人節,她獨力煮五餸一湯,朋友讚 Eric好福氣,有機會娶到賢妻良母,他握手感謝,盡在不言中。

始終朋友最好

貓貓和 Eric很少拖手行街,以免被取笑「美男與野獸」。

其實很少男人會因為「智勇雙全」愛上一個女人,是愛情還是友情,沒想到當著女友面前, Eric老實不客氣說:「其實依家都未分清楚,仲諗緊。」

換轉是一般港女,早氣得兜巴星過去,但貓貓很看得開,只問今朝有酒今朝醉,「十個男仔九個壞,我之前都俾人當過水泡啦,睇 WhatsApp先發現,前男友一腳踏四船。依家嘅世界,搵長遠難啲囉,一年已經算長,所以我唔會 check,知都扮唔知,忍到極限就分手,邊個付出多啲、俾錢多啲唔會諗,做人唔好太計較。」

別看她經常笑騎騎,狠心斬纜時,絕不手軟。曾經有同居男友賊喊捉賊,一邊打電話問她行蹤,一邊帶女人回家鬼混,貓貓覺事有蹺蹊趕回家,果然捉姦在床,第一時間趕走二人,然後隨即把整張床丟掉,「唔會喊,呢啲男人唔要都罷。男人大把,冇就搵第二個,千萬唔好交心,最緊要多朋友撐。」

Eric的母親早逝,父親住老人院,姐姐住在外國,一個人住五百呎多單位,能夠給女友有瓦遮頭。窮孩子互相取暖,不會想到長遠,而其實很多恩愛夫妻的關係,也不過如此。

所以醜不是罪,只要大家活得開心。



Related:
[壹週刊 1252] 獸男獸女 午夜獵食實錄 M1,
http://hittt.blogspot.hk/2014/03/1252-m1_688.html
鍾意就快D Share啦!