掃呢頁CODE去手機

2014年3月20日 星期四

[壹週刊 1254] 佘詩曼盛女愛上狗 佘詩曼,M1,




全黑 look阿佘,望四都未搵到真命天子,唯有養狗做伴。

同你吟一吟

佘詩曼盛女愛上狗

已經回巢埋位拍緊新劇《使徒行者》嘅阿佘佘詩曼,上個禮拜四(三月十三日)下午四點,揸住佢架百萬 Benz跑,同外傭走咗過九龍城。黑超黑羽絨黑長靴,全黑阿佘落車行去乘客位開門,單手「的」起佢隻灰色 Poodle行入寵物店。

帶愛犬洗白白,寵物店仲做緊美容半價大優惠,抵!阿佘放低狗狗之後,仲留喺店內睇咗陣寵物用品,又同店員研究,邊款狗帶先啱佢隻寶貝用,最後揀咗條粉紅色有閃石嘅,幫愛犬扮靚靚!

無綫一級筍盤,小生有馬國明、黃宗澤,至於當家花旦,阿佘敢認第二,冇人敢話第一。嚟緊五月就踏入 39歲,阿佘唔想一個人返到屋企對住四面牆,盛女與狗,起碼有個伴!

阿佘帶狗仔去沖涼,仲有半價優惠(箭嘴),之後再買多條閃石狗繩,外傭幫手攞住(黃圈)。

阿佘舊年發現自己有椎間盤移位問題,好在佢隻狗狗又乖又生得細細粒,俾美容姐姐剪毛全程坐定定冇扭計。

阿佘回巢無綫頭炮,拍住三哥同林峯拍《使徒行者》。

四年前阿佘都養過隻貓叫 BB,可惜 BB英年早逝。



鍾意就快D Share啦!