2014年3月20日 星期四

[壹週刊 1254] 四洲太子女打本睇鋪 黃宗澤光速換畫 黃宗澤,M1,




探熱針

四洲太子女打本睇鋪 黃宗澤光速換畫

二月初驚爆「崢澤戀」後,楊崢的臭史傾巢而出,加上澤媽嫌棄,令黃宗澤「棄械投降」,即閃!

走得快,好世界!據知飛走「老楊」後, Bosco話咁快已將四洲太子女戴凱欣( Kennis)黐上手,一齊合資在九龍城開甜品店,攞正牌拍住上。










Kennis事事親力親為,甜品店開張當日,她於晚上八時多到場,打點至淩晨二時。

四洲太子女

甜品店於本週一才開張,所以沒有太多顧客光顧。

旅行氹阿媽

黃宗澤瞞住阿媽同楊崢拍拖,無法接受兒子「多個阿媽」,澤媽激到血壓升見暈,兩母子更發生爭拗。唔想進一步傷害母子感情, Bosco最終投降,同楊崢「拜拜」。

「 Bosco一向孝順,佢見澤媽今次企得咁硬,知道冇商量,所以即刻同楊崢斬纜,仲請阿媽去旅行,氹老人家開心!澤媽雖然冇再嬲個仔,但上星期臨去旅行前,仲千叮萬囑 Bosco唔好趁唔喺香港玩翻撻,否則兩母子都冇情講。」知情者說。

早前有報導指 Bosco有計劃和楊崢合作開餐廳,因為女方沒有否認,一度令外界以為「崢澤戀」仍未了斷。事實上, Bosco再開餐廳確有其事,但合作對象則另有其人。

十足女主人

今個星期一(三月十七日)下午五時,本刊到九龍城南角道 Bosco與四洲太子女戴凱欣合資的甜品店「笑甜甜」查察,當日雖然是甜品店開張大日子,為了低調起見,店內外均沒有放恭賀花牌。

記者走入甜品店,服務員熱情招呼,並表示「笑甜甜」的老闆與隔籬的蠔吧「 Oyster Mine」同一老闆,即是 Bosco。

晚上八時多, Kennis(戴凱欣)同友人坐七人車到,招待完朋友試甜品後,再帶他們到蠔吧介紹一番,如同女主人一樣。朋友離開後, Kennis留守甜品店,直到閂門,再跟員工食埋消夜,接近淩晨二時才離開。

新店與蠔吧同於九龍城南角道,兩店相隔不遠。

Bosco與 Kennis合資的甜品店走高檔路線,款式多元化但價錢卻不大眾化。

Kennis先帶朋友們到「笑甜甜」試食,然後再帶他們到蠔吧參觀,十足女主人一樣。

一鋪一拍檔

「 Bosco之前喺九龍城開蠔吧,餐廳刻意冇甜品供應,因為佢早就諗咗要喺蠔吧附近開甜品店,佢話咁可以做到一站式服務,因為喺同一條街,客人唔會覺得唔方便。 Bosco都知自己資金有限,所以每次開餐廳都會泊多個碼頭,好似蠔吧有餘小雅(曾與 Bosco傳緋聞的酒吧老闆娘)撐住,甜品店就有四洲太子女 Kennis。」知情者說。

歐洲洗底

有得有失!搭上黃宗澤,令楊崢人氣翻幾番,曝光高,身價升;可惜人怕出名,一籮臭史,同樣被翻箱倒槓。

「崢澤戀」快來快去,楊崢絕對贏頭輸尾!據了解,楊崢下月便會出發歐洲,在當地留數月試菜,為下一本美食書做資料搜集,順便暫避風頭。

做唔到澤嫂,做番才女洗底。



兩個月搞掂

據知, Kennis與 Bosco認識已久,不時也會約埋飲酒耍樂。「佢哋有班朋友玩開嘅,每次出嚟, Kennis都鍾意黐住 Bosco,飲多幾杯就會繑住, Bosco亦會送佢返屋企,圈內人都知 Kennis勁冧對方, Bosco咁精,梗係唔會抗拒仲講話自己想開甜品鋪,問 Kennis意見, Kennis聽到就話要夾份,連自己想搞嘅 cafe都放埋一邊。話咁快,搵鋪連裝修唔使兩個月搞掂曬,甜品店嘅裝修同 Kennis喺廣州間 Mori Cafe好似。」

只得廿一日壽命的「崢澤戀」來得快去得快,一吻定情照成為歷史,楊崢於四月將赴歐洲為新書作資料搜集。

在商台開咪一年多的楊崢,於微博表示已離職,並感謝家人及朋友對她的支持。

一心想於飲食界大展拳腳的 Bosco,對開蠔甚有心得。

Bosco經常帶朋友試食蠔吧菜式,最近請了樂易玲及陳自強到餐廳共聚。

Bosco最近除了忙於拍攝無綫劇集外,上星期還抽空為代言手錶拍攝平面廣告。

短訊轟炸

因為戀上楊崢而激嬲阿媽的 Bosco,據知已和媽咪和好如初,並出錢請她旅行補數。

雖然 Bosco聽阿媽話,但被「快放」的楊崢,卻不甘被判「即時死亡」。

「楊崢不停電話同短訊轟炸 Bosco,但澤媽係 Bosco生命中最重要嘅女人,佢唔會為咗個女人唔要阿媽,加上佢嗰排趕劇,所以都冇理到;楊崢見 Bosco無聲無氣,知復合無望,最近都冇搵 Bosco。」知情者說。

Bosco走佬!楊崢連商台開咪份工都冇埋!

「佢開咗咪年多,但都係計日薪,雙方一個星期通知都可以唔做或者換人,而家商台換咗阮兆祥頂佢,《一圈圈》啲訪問生鬼好多。佢自己都知會咗商台話唔做,要去歐洲幾個月喎!」知情者說。

追星戀

一向鍾意追星的戴凱欣( Kennis)是全國政協委員、四洲集團創辦人戴德豐之女,多年前已插手家族生意,是 ball場常客,更鍾意埋明星堆,常與名人傳緋聞。

許志安

03年安仔接拍四洲辣麵廣告,一直是安迷的 Kennis近水樓台,除了工作合作外,有傳她向安仔放電,對方又照單全收而傳出緋聞。

蕭定一

06年 9月, Kennis被拍得與蕭定一夜蒲六個鐘後由男方送返飛鵝山香閨,離開前,二人來過 goodbye kiss。



鍾意就快D Share啦!
Related Posts Plugin for WordPress, Blogger...