2014年3月18日 星期二

鄭秀文難忘著六吋高踭鞋拍戲 於斜路喪跑 鄭秀文,




鄭秀文難忘著六吋高踭鞋拍戲 於斜路喪跑

2014-03-18 14:45:00



Sammi與張家輝首度合作拍戲,擦出唔少火花。

卓韻芝最近執導一部輕鬆愛情新片《失戀急讓》,搵嚟影帝張家輝夥拍天後鄭秀文(Sammi)主演,其他演員仲有Angelababy、「快樂男聲」亞軍歐豪,呢部電影嘅首款海報將喺下週嘅「香港國際影視展」曝光。

今次係Sammi同家輝首次合作,唔知Sammi覺唔覺得家輝比起拍動作戲,更擅長拍愛情戲,Sammi笑話:「呢個要去問佢老婆,我反而覺得我最鍾意同佢拍嘈交戲多啲。」

日前,家輝同Sammi喺郊野公園拍一場談情戲,仲即興跳韓國依家最興嘅夾夾舞,跳舞唔叻嘅家輝跳得相當落力,但佢嘅趣怪舞姿就已經氹得大家好開心,簡直係一個開心果。

喺戲中,Angelababy將飾演家輝個女,家輝仲話夾夾舞係喺Baby身上偷師學,說:「Baby同歐豪得閒就跳嚟娛賓。」家輝話係時間鬆一鬆,拍一部愛情輕喜劇嘅戲,發放笑能量,佢話不時有靈感,會加插好多笑過翻尋味嘅對白同表情,所以好輕鬆,最開心係唔使打、唔使節食、唔使開槍。

不過Sammi就唔輕鬆得去邊,因為佢全程要著6吋高嘅高踭鞋出鏡,又要喺斜路追跑、有時行草地泥濘,雖然Sammi著慣高踭鞋,但都忍唔住苦笑話:「導演卓韻芝真係畀我設計咗一個戲中嘅高難度造型,每日開工都要同呢批6吋高踭鞋一同奮鬥。」至於家輝亦都會除衫騷腹肌。

對於新合作演員Baby同歐豪,Sammi話:「平時喺雜誌同電影度見到Baby係一個好靚、星光閃閃嘅女仔,今次同佢合作,發現佢原來可以咁稱職,演繹一個不修篇幅嘅男仔頭,好爽;我對歐豪都有印象,因為佢曾經選咗我一首作品喺《快樂男聲》中參賽,好有個人風格,所以我一睇佢個名就知道佢係邊個。」

此外,多次傳出Sammi同男友許志安秘婚,Sammi接受內地傳媒探班訪問時,佢話:「今年的檔期都很滿,這部拍完之後上半年可能會再接一部電影。緊接著下半年我就要應付年底的巡迴演唱會,對於我來說這是我生命裏排到第一位的東西。」











鍾意就快D Share啦!
Related Posts Plugin for WordPress, Blogger...