掃呢頁CODE去手機

2014年4月18日 星期五

[忽然1周 977] 舒淇 hea look中環遊 舒淇,MW,




舒淇一向俾人印象係性感尤物,但當佢零化妝、衣著隨便時,竟然完全冇曬星味。

媽咪姐

舒淇 hea look中環遊

女藝人喺鏡頭前個個都花枝招展,鏡頭後咪又係普通人一個啫!就好似前排媽咪姐喺中環閒逛嘅時候,見到一個面口好熟嘅女人行過,佢嘅衣著就點睇都唔似星,身材亦一啲都唔突出。睇真啲,先至驚覺眼前呢位咪係性感女神舒淇!

講真,舒淇呢日真係好 hea囉!戴帽戴眼鏡,著件闊身衫,咁嘅 look,隨街掃到一籮難怪成條街都冇人認得出佢。到媽咪姐回過神,即刻抓緊機會上前八嚇佢嘅近況,問嚇係咪同馮生好事近時,舒淇即時含笑 9秒 9搭𨋢走人。

明明有個影後喺身邊,但整條街竟然冇一個人認得佢,就算舒淇企定定等過馬喎,都無人叫合照,大家都當佢係路人甲一個。

舒淇手上閃爆戒指(紅圈)被傳係馮德倫所贈,雖然佢例牌否認,但早前卻喺微博曬馮德倫玩貓嘅相。分明係真的假不了。



鍾意就快D Share啦!