掃呢頁CODE去手機

2014年5月9日 星期五

[忽然1周 980] 「 Fit女」勁貪小便宜 MW,




插圖: Wendy

揞名爆

「 Fit女」勁貪小便宜

媽咪姐成日爆香港娛樂圈啲陰暗面,唔少世姪女有時都問係咪真係港星特別衰呢?唏,傻豬來嘅,查實天下烏鴉一樣黑!啱啱又俾媽咪姐聽到單八卦料啦。

話說好多 fans嘅韓國「 Fit女」前排嚟香港做宣傳,鏡頭前非常 nice,但鏡頭後原來都幾鬼貪。有負責接待嘅工作人員話,佢同另一半,再加埋助手一行幾人嚟香港,居然可以 3日內喺便利店買咗萬幾蚊嘢!然後要求接待單位找數。嘩嘩嘩!喺便利店都可以買到萬幾蚊嘢?人哋見到張單,真係眼都凸埋。

咁,都未算堅!有一日「 Fit女」一行人又去咗 studio影相,佢另一半見到枱上有盒雪茄,就問人可唔可以食? OK,咁 studio老細都好好人,就叫佢「隨便」。點知,咁就出事!阿另一半自己攞咗一支之後,竟然大聲叫埋成隊 crew嘅人去攞雪茄食,真正「開心 share」……人哋嘅嘢! Well, studio老細當然又係眼都凸埋,眼白白睇住成盒雪茄以秒速消失,阿們。

邊個係「 Fit女」?

1年紀唔細㗎。

2跳舞好鬼掂!



鍾意就快D Share啦!