本來好好哋
媽咪姐
《西遊》硬膠劇情陸續嚟
大台呢期大劑，買咗套億元鉅製返嚟，點知冇乜人識欣賞，仲要累收 1100宗投訴，收視跌到 18點，連 9:30檔期嘅中女劇亦受拖累。不過你有你鬧，大台為顧面子誓言唔腰斬，仲以洗腦式宣傳，搵嚟土製八戒視帝祥同沙僧麥長青嚟個「導賞團」，嚟緊又會搵徐子珊孭飛嘅《點金勝手》救收視。
大台企硬，膠劇無極限！可憐大家已經冇選擇之下，再少咗個台睇，嚟緊仲有 40幾集膠劇情㖭，奉勸各位姊妹搵多啲細藝娛樂自己，無謂硬食呀！
第 1膠：觀音係人妖？
雖則話觀音有百相啫，不過唔使失驚無神變身，整個二撇雞嚟啩？之後又整多個化到鬼五馬六嘅男人出嚟，仲要加把嗲聲嗲氣嘅男人聲，真係該煨囉！
第 3膠：嚇鬼骷髏頭
喺第 14集，終於見番個港產徐錦江，查實佢嘅造型比起其他妖獸，已經叫做最正常嗰個，不過佢嗰串骷髏頭成日喺度挹挹抰抰，扮 He-Man定拍鬼片先？
|
鍾意就快D Share啦！
|
|
|
