2014年5月28日 星期三

[FACE 366] 師徒反目 絕交 2年 反骨崔建邦出賣陳志雲 志雲,崔建邦,陳志雲,MF,




上週三( 21日),大台化妝師張家萬設靈,陳志雲離開時恰巧遇上崔建邦,二人見面互當透明,之後陳志雲說:「肯定佢唔係敵人!」做敵人都要講份量嘅!《蘋果日報》圖片

真面目

師徒反目 絕交 2年 反骨崔建邦出賣陳志雲

人情紙咁薄,尤其娛樂圈更加計清計楚,就算之前扶過幫過,冇利用價值都可以當你透明。

最新例子有不死擦鞋仔崔建邦,最近在大台化妝師張家萬的喪禮上當恩師陳志雲透明。反骨仔原來唔只當恩師冇到,在陳志雲遭廉記調查後, 3年間多次落井下石兼出賣,大台司儀反骨程度幾達神級,陳總下次要帶眼識人冇幾多個王喜㗎咋!

崔建邦女友唐詩詠一直跟陳志雲保持良好關係,在二人反目期間,唐詩詠一直努力為男友補鑊,但最終未能成功。《蘋果日報》圖片

最近在大台中女劇,崔建邦扮「即食即飛」負心男入形入格,變臉一向係佢強項。佢由做港台節目助理開始,已跟陳志雲搵食,入大台後愈撈愈好,被捧為當年「迷雲黨」頭號黨員,但首領一失勢,崔建邦亦露真面目。據知情人士透露:「 Stephen(陳志雲)被廉署起訴後,有次佢個髮型師 Michael Lau有新髮型屋開張,想搵陳總同崔建邦撐場,崔建邦竟然叫佢老闆唔好請 Stephen去,話咁會冇記者到喎!」雖然 Michael最終請曬兩個,但是非輾轉亦傳到陳總耳邊。

唐詩詠補飛

其實當時崔建邦亦唔見撈得掂,他先後於 10年及 11年因醉駕而被大台貶做 PA工作冇得撈幕前,他所蝸居的西貢村屋,是陳總叫賽車手兼好友潘德俊( Paul Poon),以月租$3,000超平價租出。當 Paul Poon知道「髮型屋事件」後,睇唔過眼崔的絕情,即時「收樓」,崔連村屋都冇得住。後來陳總無罪重返大台,反骨仔亦知死急急氹番陳志雲。

其後志雲轉投商台,崔建邦竟再次出賣恩師。「 Stephen最初想搵崔建邦開咪做商台《起來大龍鳳》主持,崔建邦親口應承咗,點知臨時又叫個助手覆佢話唔做得,搞到 Stephen真係好嬲,雖然崔建邦之後有 send短訊俾陳總,唐詩詠亦多次做和事佬想修補大家關係,不過 Stephen睇穿佢為人,所以 2年嚟都冇同佢聯絡!」難怪上星期三( 21日)陳志雲公開話:「如果話兩年冇一齊食過飯就唔係朋友,咁咪唔係朋友囉!」

髮型師 Michael Lam(左二) 11年時新店開張, Michael邀請當時遭廉署起訴的志雲和一班「迷雲黨」包括鄧健泓等做剪綵嘉賓,崔建邦竟開口叫 Michael唔好請志雲出席。最終 4人合照,但崔建邦笑容好牽強喎!

11年法院判定志雲所有罪名不成立, 12年 3月出任商台行政總裁,頭炮便是搞新節目《起來大龍鳳》,不料愛將臨時放飛機,要由林曉峰頂上配盛女 Bonnie。《蘋果日報》圖片

崔建邦曾蝸居的西貢村屋,原來是志雲富商好友潘德俊(小圖右)平租給他,髮型屋事件發生後,潘替志雲出氣,怒收邦邦樓。《忽然 1周》圖片



鍾意就快D Share啦!
Related Posts Plugin for WordPress, Blogger...