掃呢頁CODE去手機

2014年5月28日 星期三

[FACE 366] 陳豪講仔先識笑 陳豪,MF,




面燶燶

明明半個鐘收得工,點知等咗兩個鐘,幾好脾氣嘅陳豪都變黑面。

FBI

陳豪講仔先識笑

香港想搵日好天都難,上星期幾乎日日都落雨。平民百姓就話落雨擔遮啫,但明星拍戲唔係話擔就擔!

好似上星期四( 22日),陳豪( Moses)為新劇埋尾,當日阿 Mo得一場車廂戲,原本半個鐘就可以收工,點知一 roll機就落大雨,攪到阿 Mo要留喺車度呆等兩個鐘,一向 nice嘅佢都畀落雨天攪到燥燥地,好彩工作人員醒目,即刻撩阿 Mo講湊仔經,陳爸爸成個生猛番仲四萬咁口。好心快快收工唔好阻住新手爸爸返屋企湊仔先得㗎。

笑番

原本發呆兼面燶燶嘅阿 Mo,一聽到人哋撩佢講個寶貝仔陳梓燁(下圖),即刻成個開心曬。

(網上圖片)

家陣天氣日日落雨,大台當然唔會取消拍攝啦,陳豪咪惟有呆坐車廂等停雨。

《陪著你走》由陳豪、胡杏兒孭飛,套劇仲有兩星期就煞科,阿 Mo到時可專心湊仔。



鍾意就快D Share啦!