相比起嘉穎， Bosco隨時手拎咖啡提神，知道國語唔夠好又做曬功課劇本不離手狂咪（小圖），短短 3年追到鄭視帝身價，唔係符碌㗎！
真面目
搶飯碗 鄭嘉穎連仆 3劇 黃宗澤搶價 31萬 1集做大佬
大台想留小生愈來愈難，只因個個嗌住返國內拍劇賺人仔。內地劇組出手闊綽，閒閒哋 20萬人仔拍一集，隨時多過喺大台拍一套，俾你都識揀。
最近開始強攻祖國的黃宗澤（ Bosco），自 12年拍過首部內地劇後， 2年間已連拍 4劇，身價由 10萬跳至 25萬人仔（約 31萬港元）一集，拍得住早年喺內地發圍嘅視帝鄭嘉穎身價，加上近年鄭視帝連仆 3劇，更令新劇變倉底，輕易令黃宗澤攝到靚位賺人仔囉！
黃宗澤（ Bosco）自 12年以 10萬一集拍住前女友胡杏兒，首拍內地劇《跑馬場》做男一，播出後反應不俗，內地製作公司紛紛埋手， Bosco緊接拍《少年神探狄仁傑》和《麵包樹上的女人》，身價亦漸漸升到 25萬人仔。
煲湯氹劇組
對拍大陸劇有一定要求的 Bosco，早於今年 3月已飛往內地橫店為新劇《神探楊金邦》開工，據知該劇原定於去年中拍攝，不過黃宗澤頂唔住橫店夏天 40多度的天氣，故劇組特意安排於今年 3月至開工，實行就曬大爺 Bosco。
鄭嘉穎當年拍內地劇《葉問》因寸嘴，遭武師拍戲變真打搞到周身傷，但在《神》劇現場所見， Bosco卻與劇組相處融洽，雖然 Bosco國語只屬有限公司，但他仍會盡量多與劇組溝通，加上開咗蠔吧的 Bosco，近年對飲食甚有研究，不用開工的日子，黃宗澤就會親自去街市買餸煲湯畀劇組飲，始終拍一套劇需要 3個月，世界仔 Bosco點會唔識做。
飯局必到
食嘉穎靚位
其實煲湯呢招， Bosco早在上海拍《少年神探狄仁傑》時已用過，湯火攻勢掂，亦令他在內地愈來愈撈得掂，近來更取代跌價兼冇市嘅鄭嘉穎。其實 11年的《步步驚心》，曾令嘉穎身價升到 25萬一集，可惜後繼無力，去年接拍的《葉問》劣評太多，另一套《滾滾紅塵》亦收視不振，更令另外兩套《萬水千山風雨情》和《華胥引之絕愛之城》冇人問津上映無期。
內地收唔到劇本，嘉穎亦惟有回歸無綫拍《天眼》， 38歲黃宗澤身價睇嚟好快超越 44歲鄭嘉穎
《葉問》累死
鄭嘉穎 00年第一次接內地劇《天地傳說之魚美人》，不過反應一般；直到 11年的《步步驚心》做八阿哥後，馬上就有其他劇本排住隊俾佢，緊接的《深宮諜影》收視都 keep到，可惜《葉問》被指「打又打得唔好睇，演技又唔夠」，同期又有梁朝偉的《一代宗師》做比較，嘉穎米路被斷。後來的《滾滾紅塵》和《英雄》收視仆直，而《萬水千山風雨情》和《華胥引之絕愛之城》更成為倉底貨，上映冇期。
|
鍾意就快D Share啦！
|
|
|
