2014年5月28日 星期三

[FACE 366 外地娛樂] AKB握手會被狂斬 下月總選叫停 MF,




入山杏奈

現年 18歲嘅入山杏奈,去年喺 AKB總選排 30位,正慢慢邁向 10大之列。

FBI

AKB握手會被狂斬 下月總選叫停

近排世界各地發生多宗令 FBI聽到都心寒嘅恐怖襲擊,上週台灣先發生捷運血案,幾日後又輪到日本,受害人仲要係紅遍東南亞嘅 AKB48成員。

週日( 25日) AKB48去到日本岩手縣舉行握手會,去到下晝 5點左右,一名年約 24歲嘅無業男子突然闖入會場,仲攞住把鋸齒刀襲擊其中兩位 AKB成員川榮李奈同入山杏奈,最後川榮被斬到斷咗大拇指指骨;入山就右手指尾骨折,而其中一工作人員上前制止時亦慘被斬傷。事後 2人被送入當地醫院,但經詳細檢查後,證實並無大礙,週一( 26日)已出院,不過可能止痛劑有副作用, 2人步行出院時,腳步唔多穩定。而行兇男子梅田悟當場被日本警方逮捕,控以「殺人未遂」罪。警方指兇徒被盤問期間,精神雖然冇異樣,仲好平靜,但就狂言話斬邊個都冇所謂。

AKB方面大為緊張, FBI八到原定 6月 7日舉行嘅人氣總選同 6月 8日成員大島優子嘅畢業演唱會,要考慮延期舉行。為咗成員嘅安全,老闆秋元康仲將東京秋葉原總部同大阪梅田分部劇場所舉行嘅活動中止。發生血案咁大鑊,有報道指因臨近總選,有 AKB成員因妒忌自己人氣被川榮同入山蓋過,所以指使兇徒行兇。不過 FBI唔理呢個傳聞係真係假,總之向任何人施襲都係野蠻行為,一定要受法律制裁,萬事以和為貴嘛!

AKB前一姐大島優子,原定 6月 8日舉行畢業演唱會,𠵱家好大機會延期。

遇襲後右手手指尾骨折嘅入山, 3年前曾來港舉行握手會,仲好受港男歡迎。

血案發生後, AKB方面即取消所有東京秋葉原同大阪梅田活動, fans以後想近距離同偶像握手都好難。

總選延期

原定於 6月 7日舉行嘅人氣總選,現正考慮延期舉行。早前有指上年人氣總選冠軍指原莉乃,今年好大機會冧莊。

入山同川榮同屬 AKB48嘅 A組,感情唔錯,活動上經常孖公仔亮相,估唔到被襲擊都打孖上。

週一( 26日)下午,川榮(左)與入山(右)一齊出院,仲企定定俾在場記者影相,但受傷咗嘅手就用毛巾遮住。

兇徒被捕後即被送往岩手縣盛岡西警置調查。報道指今年 24歲嘅兇徒叫梅田悟,曾喺大阪做過護衞,但案發前已失業。

握手會會場內設置帳蓬。案發當日 50個出席成員分成幾組同 fans握手,入山同川榮被安排同一組(箭嘴),所以兇徒可以一次過襲擊 2人。

疑兇梅田悟

川榮李奈

今年 19歲嘅川榮李奈,去年總選中排 25名。傳聞有成員妒忌入山及川榮人氣漸漸上升而蓋過自己,所以指使兇徒向 2人襲擊。如果有成員個心真係黑到咁,真係絕對唔配做偶像



鍾意就快D Share啦!
Related Posts Plugin for WordPress, Blogger...