廿歲的顏卓靈口口聲聲話自己冇拖拍，原來秘密收埋 Band仔男友錢行同居。
探熱針
宅男新寵 廿歲顏卓靈 貼 band仔同居
憑電影《狂舞派》為人識，更有機會提名影後的顏卓靈（ Cherry），早前被舊同學踢爆她入行前已經同 band仔男友錢行（ Walker）行埋。廿歲 Cherry如今已是影圈新貴，加上有富貴老豆「供水」，三個月前，她貼埋大屋，讓男友搬入她位於沙田名城的香閨，展開同居生活。
公開強調冇拖拍的顏卓靈，果然好戲。
黐同居
樣子清純的顏卓靈，自從《狂舞派》一片成名後，成為新一代宅男女神外，更得到廣告商垂青，錢途無限。
父親顏慶進是上市公司主席的 Cherry賺錢買花戴，手上大把物業的顏父今年初更將其中一個早年以一千零二十八萬買入的千呎單位，送俾寶貝女自住。
「 Cherry而家開始多嘢做，搬出嚟住會方便啲，所以佢爸爸咪俾咗個單位佢囉！至於 Cherry個男朋友以前入過行做歌手，而家同朋友喺佐敦開 studio，但冇乜 job接，所以喺 studio住埋，佢見 Cherry而家搬出嚟自己生活，咪即刻搬埋入去同居囉！」知情者透露。
同 Cherry拍拖已經三年的錢行（ Walker），是超奀組合 Chips其中一員，曾被經理人公司控告違約，自此亦消失樂壇。
「佢同 Cherry喺教會結識，有個富貴女友照住， Walker更加懶懶閒，專心做跟得男友。」
俾人唱
最近有網友在 instagram上載多張二人的親密合照，又唱爆錢行不務正業。「失事業、失錢、失學業、半失愛情……被人玩到吊吊 fing，經常做柴可夫……」 Cherry則被指性格開放：「……成日帶仔返屋企。」
上週一（五月二十六日），著住背心短褲街坊裝打扮的 Cherry，與男友離開名城寓所，到附近的快餐店食早餐，其間 Cherry一邊食一邊撩男友傾偈，細聲講大聲笑，錢行全程含情脈脈望實對方，眼都唔眨，之後發現記者，即從快餐店後門閃走。
翌日， Cherry一早外出工作，冇嘢好做的錢行則陪同一名女友人，到位於汀九的一個屋苑派傳單，之後再一齊坐巴士到荃新天地歎下午茶，二人在商場漫無目的遊蕩了一個下午，才各自離開。
|
鍾意就快D Share啦！
|
|
|
