2014年6月12日 星期四

[壹週刊 1266] 苦差 重拍《流氓皇帝》 馬國明周麗淇考牌 周麗淇,馬國明,M1,




探熱針

苦差 重拍《流氓皇帝》 馬國明周麗淇考牌

搞綽頭救亡,腦乾塘無綫舊劇重溫,以馬國明周麗淇重演三十三年前,鄭少秋與李司棋經典劇《流氓皇帝》,複製「舊版」經典重逢場口,男女主角化住老妝拍外景,乞丐 look的馬明不似當年鄭少秋頹廢,馬姐 look的周麗淇更無法與李司棋匹敵,扮阿婆入格。經典被翻炒成次貨,新不如舊!

食老本

無綫想盡方法救收視,即試搵曾志偉做星級監製,碌爆人情牌嗌齊李若彤、李麗珍等拍《 M Club》,雖然有口碑,可惜靠自家宣傳煲唔起,嘥料!

外援幫唔到,反而浪費彈藥。無綫又諗縮數,重拍三十三年前的經典劇《流氓皇帝》。

「冇辦法,製作部走咗好多人,根本唔夠人寫劇本,就算寫,題材來來去去都係差唔多,咁不如重拍啲經典劇集,現成古仔再搏觀眾鍾意『想當年』,如果今次行得通,嚟緊會再揀多幾部經典劇重拍。」一名無綫人說。

馬明的老乞丐造型似白髮魔女多一點,比起當年鄭少秋頭髮蓬鬆的潦倒阿伯,神韻差得遠。

Niki的馬姐 look由頭到尾都抄足三十三年前的李司棋,但老妝卻新不如舊,無綫不進反退。

《流氓皇帝》是一九八一年出品的經典浪漫劇,鄭少秋飾演的朱錦春與李司棋飾演的蓉蓉廣受歡迎,是二人代表作之一。

早前,男女主角馬明和 Niki在廟街為《流氓皇帝》拍外景,兩人老妝上陣,乞丐 look的馬明在下巴位黐上白假鬚,戴上灰白色假髮,臉上搽上膠水,但皺紋卻不明顯,令扮阿伯的他皮膚依然緊緻,十分搞笑;身上的乞丐 look也不夠殘破,腳上皮鞋又太新淨,莫講馬明演技不能與秋官相提並論,服裝、化妝技術,亦比三十年前差,毫無進步。

每次拍完一個鏡頭,馬明、 Niki也會睇 playback。

配合劇情,工作人員安排一輛舊款的士作為當日的拍攝道具。

馬明坐在廟門的牆頂拿著道具銀紙又喊又笑,演出努力,但考牌是否成功,始終要睇觀眾受唔受。

大熱天時著住馬姐服, Niki不用埋位就拎住小風扇抖涼。

吃力不討好

同場的 Niki馬姐造型雖然亦不如當年的李司棋,但臉上刻意加了不少老人斑,比起馬明扮老乞丐,落手重一點,是以現場圍觀途人,亦無法一眼就認出 Niki。

要重現鄭少秋、李司棋的經典,馬國明、周麗淇明顯吃力不討好,無綫食老本,如意算盤隨時打唔響。

粗製濫作

特效化妝向來要使錢,但無綫慳家為本,演員的老妝效果得個差字,從沒成功。

《巾幗梟雄之義海豪情》

鄧萃雯在劇中扮演老太婆,但只求其戴上一個白色假髮,化妝加了幾點老人斑和幾條皺紋,一點也不像阿婆。

《天梯》

劇中張可頤及陳豪住在山上安享晚年,老妝完全冇料到,要靠演員在動作上扮老人家,十分粗糙。

《情逆三世緣》

朱晨麗與敖嘉年的老妝同樣是幾點老人斑和灰白假髮,女方皮膚滑溜全無皺紋,失敗。



鍾意就快D Share啦!
Related Posts Plugin for WordPress, Blogger...