【唔受媾】木村晨早7點上節目谷劇 慘遇發姣主持送波餅
2014-07-14 19:26:00
木村身邊嘅女主持非常熱情，全程翹實木村。
木村拓哉假假地都係日劇天王，就算近年拍親劇都收視麻麻，但係再接拍《律政英雄》系列，自然受到外界重視，大家亦期待木村今鋪可以執番身彩。
富士台重頭劇《律政英雄2》今晚開播，木村今朝天未光已經開工，拍住女主角北川景子上直播節目瞓身宣傳。
木村同北川先現身7點播出嘅早晨節目，有美女相伴嘅木村似乎零舍醒晨，面對鏡頭仲扮鬼扮馬。
不過，當木村之後就獨自亮相另一直播節目，身邊嘅女主持非常熱情，唔止全程翹實木村，仲一度胸貼佢嘅手臂，當時木村明顯唔多受落，先黑面後扁嘴，點知仲用力一手鬆開呢位姣到出汁嘅女主持，呢一刻木村先至有番笑容，相反位女主持就畀佢推到跌低喺後面梳化，陰功豬囉！
扁嘴。
用力一手鬆開呢位姣到出汁嘅女主持。
女主持就畀佢推到跌低喺後面梳化，陰公豬囉！
|
鍾意就快D Share啦！
|
|
|
