掃呢頁CODE去手機

2014年8月8日 星期五

[忽然1周 993] Liddy拒拍槍手戲 Liddy,李悅彤,MW,




爸爸死後, Liddy同阿媽細妹相依為命。之前拍落嘅電影《四非》會喺 10月上,佢已經答應現身宣傳,重投工作。

媽咪姐

Liddy拒拍槍手戲

同李心潔老公彭順攬啜嘅𡃁模 Liddy(李悅彤),被揭其父李德仁係啟晴邨槍殺案嘅槍手。人生曲折過戲!早前梁思浩就話有線將開拍電視電影《大凶捕》,當中一集「啟晴邨槍殺案」,有意請 Liddy演出,表明任佢開條件,監製嘉華仲話劇組暫時 mark咗 Liddy四日期㖭!

當大家以為悲劇女主角會為錢出賣家事,媽咪姐就喺上星期以 WhatsApp聯絡到 Liddy。佢回覆話自己無事,但一直都無諗過拍《大凶捕》喎。咁媽咪姐梗係向監製嘉華求證啦,佢就咁講:「當初思浩聯絡過 Liddy,佢都考慮咗 3個星期先拒絕,依家暫定會搵 Uny趙哲妤。而智叔就會飾演啟晴邨槍殺案嘅槍手,佢因為睇完故事大綱,覺得角色吸引先答應。我哋有諗 Liddy感受,所以都會將劇本改動。」啱嘅,唔應該喺人傷口上灑鹽嘛!

《蘋果日報》圖片

網上現身

Liddy刪除咗之前同彭順打情罵俏嘅 Instagram戶口,開咗個新嘅,暫時只有風景相同感言。不過有朋友留言,佢都有覆,心情應該平伏唔少。

WhatsApp回應

Liddy回應媽咪姐時,會用笑臉公仔,但講到拍《大凶捕》,就決絕否認。



鍾意就快D Share啦!