全城熱爆的娛樂八封新聞 & 時事趣聞 & 生活 + 趣聞
張慧雯可能難得休息,所以同朋友喺超市買餸返屋企玩煮飯仔。
10年華姐季軍張慧雯 Candy,因為有幾分似師姐苟姑娘,曾經俾大台捧過吓!可惜前年佢同羅姓男友人分別衰貨車藏毒同停牌駕駛,俾警察叔叔當場斷正,令形象插水。過咗成年冷河,好在有「某大媽」撐嘅 Candy依然劇接劇,除咗依家播緊嘅《寒山潛龍》外,近日又有新劇《忠奸人》,劇中同曹永廉條感情線仲幾有發揮。
早幾日媽咪姐喺將軍澳一間日式超市撞到佢同男性友人買餸,一人揀一樣有商有量!係囉,煮吓飯仔總好過出去蒲天光。媽咪姐格言,年輕人要愛惜自己,珍惜工作。
上個月,張慧雯因停牌駕駛罪上庭應訊後離開。 《蘋果日報》圖片
張慧雯喺《寒山潛龍》戲份幾重,可惜有網友認為其負面新聞多而難成大器。