全城熱爆的娛樂八封新聞 & 時事趣聞 & 生活 + 趣聞
跌咗耳機，彭家麗神情鎮定繼續唱。
自從做咗人妻，趙學而生活優游，睇吓佢連撳錢都戴住頂度假 feel草帽，就知佢幾咁寫意啦。 至於那些年另一個實力女歌手彭家麗就依然繼續出碟搏殺，執生技巧仲成為一時佳話。早前佢舉行新碟發布會，當佢唱緊黃小琥嘅〈沒那麼簡單〉，夾喺衫入面嘅耳機忽然喺衫袖跌出嚟，執生技巧純熟嘅佢，只係輕輕瞄一瞄地下個耳機，然後淡定繼續唱歌。其實經過佢同朱主席合唱〈從不喜歡孤單一個〉後，就知佢嘅「危機處理能力」絕對一流！今次跌耳機，碎料
早前同「走音歌王」朱主席合唱，被網友大讚彭家麗夠專業，即刻 hit爆 YouTube。
陳明恩、鄺文珣、高皓正同林淑敏等成班教友到場支持彭家麗。
