媽咪姐
大台倒自己米 搵有線主持講鬼古
大台繼食住農曆七月條水製作鬼古特備節目，龍婆羅蘭任主持、視后田蕊妮等好戲之人客串，但出到嚟竟然變成人鬼殊途嘅催淚處境劇，驚嚇度仲差過 38年前嘅《幻海奇情》。
除咗講鬼唔夠驚外，呢個節目竟然冇請麥玲玲、李丞責等呢類御用堪輿學家剖析怪事，反而搵咗個生面口嘅簡信回師傅上節目。但其實呢位簡師傅一啲都唔新，原來佢係有線電視《怪談》重心人物，差唔多集集《怪談》都有份。
媽咪姐收到風，節目出街後，唔少大台高層嘈到拆天，猛鬧點解班幕後工作人員唔 check緊啲，竟然蠢到請對家嘅人上節目倒自己米。由於呢個鬼古節目係綜藝科總監余詠珊親自度出嚟，據知大台有部分高層，已經諗住利用呢件事去狙擊余詠珊，削弱佢日漸擴大嘅權力喎！
|
鍾意就快D Share啦！
|
|
|
