網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月9日 星期六

百足鬼王梁思浩 三個證明你撞鬼 梁思浩,




百足鬼王梁思浩 三個證明你撞鬼



其他影片:>>






梁思浩大馬招魂 鬼都唔夠人咁恐怖

新一代鬼王梁思浩主持過逾500集《怪談》,他到過日本、馬來西亞、美國等地探靈,撰寫12本鬼故事,最新推出的是「搵鬼app」,除了基本的聽故仔,還可以與「鬼」自拍,他說:「原本馬來西亞嗰邊搵我做代言人,不過我研究之後,覺得做得過,於是投資咗7位數字。」短短上版4日,已成為熱門下載首位,思浩直言賺好大嚿錢。



■梁思浩曾到馬來西亞,為「燒雙屍案」死者招魂。

大馬招魂翻案

思浩回想由不信有鬼做到信是彈指間的事:「做《怪談》嘅頭4年,我唔信有鬼,直到第5年,我唔單止信有鬼,仲覺得鬼冇人咁恐怖。」他憶述11年到大馬為當地哄動一時的「燒雙屍案」死者梁美玲招魂。

思浩說:「當地有個豪宅區,前面有好大片樹林,好多人話見到兩個女仔喺樹林行來行去,其中一個就係梁美玲。梁美玲有個姨甥女幫忙招魂,我哋等咗兩個鐘,突然姨甥女喊住話見到阿姨。招魂之後,師傳話做法事超渡要6,000蚊港紙,用60斤炭起壇,但係姨甥女話冇,我話我畀啦。做超渡嘅時候,姨甥女捉住我隻手,突然話暈又講我聽唔明嘅福建話,原來係梁美玲上咗身,要同佢媽媽講嘢,嗰刻我喊得好緊要,係我第一次覺得真係有鬼。」目前案件正在當地翻案中。

思浩坦言在娛樂圈多年,人性險惡往往比鬼魂還恐怖,他說:「大部份鬼都係善良咁出現,所以我勸大家千祈唔好自殺。因為如果你陽壽有80歲,而你20歲自殺死咗,咁你就有60年喺街蕩,真係好慘。」

探索陰間有法

探靈經驗值100的思浩,雖然沒有陰陽眼,但要驗證身邊有沒有靈體,他有三種方法:「如果你行街嗰陣,突然後尾枕一涼、打冷震,就係畀鬼穿過;第二,如果係喺空曠地方感覺到好壓迫,好似行花市咁,就係有好多鬼聚集;第三,如果你突然耳鳴,都係撞鬼,因為人同鬼個磁場唔同。」

要見鬼,思浩亦有辦法:「第一招係喺眼度擦牛眼淚,而第二招係入屋之前,左腳跨過門檻,右腳企喺門口外面,合埋眼再開眼望,你就會踏入陰陽間。」思浩曾經在陰陽間看到半透明的綠色物體。對於有人質疑靈異節目是裝神弄鬼,他說:「我只可能講內容有九成半係真,最誇都係女主持個驚樣同大叫。」

採訪:盧妹

攝影:陳慧安



■百足鬼王梁思浩推出搵鬼app。

鬼王之路:與鬼同行主持人

現年47歲的梁思浩,出道時憑《城市故事》的洗米華一角揚名,近年他與「鬼」連成一線,在有線主持《怪談》節目外,他涉足的還有很多範疇,除了主持過電台節目《瘋show快活人》、《唔係呀嘛who la la》及《精靈廣播集團》等。近年思浩則在now觀星台主持《娛樂審死官》節目,也於香港數碼電台,與莊思敏、江美儀、陳彥行及葉念琛等開咪主持《大家真風騷》。



鍾意就快D Share啦!