掃呢頁CODE去手機

2014年8月11日 星期一

Sammi個唱$680飛冇晒? 訂購熱線打唔通 淘寶有售仲代訂酒店 Sammi,許冠傑,Sam,鄭秀文,




【內地客搶飛】Sammi個唱$680飛冇晒? 訂購熱線打唔通 淘寶有售仲代訂酒店

2014-08-11 12:06:00



Mi迷一心去撐阿Mi,寧願請半日假甚至早起身打電話/上網,就係為咗撲阿Mi個唱飛,點解都咁難?

Sammi鄭秀文今年12月20日至22日、及24日至27日於紅館舉行「Touch Mi鄭秀文世界巡迴演唱會」,票價分$680、$480同$300,今日先至開始優先訂票,亦講明每張信用卡最多可訂購10張門票,而每次經熱線或者網上訂購嘅上限,亦都係10張。

Sammi今早都有貼圖,溫馨提示大家:「Touch Mi concert. 今天開始優先預訂。mi為這演唱會,一定全力以赴,儘一切努力作準備和演出。謝謝你們的支持。」不少fans晨咁早就打電話去信用卡優先訂購,但由9點至11點都未能打通。就算有幸入到去,不少Mi fans都發覺680蚊門票早已售罄,亦有人指由第二場到尾預售只係剩番$300飛。

反而淘寶就大把店主開po話有得訂購Sammi個唱門票,其中一個嘅價格由350蚊人仔到1000人仔,亦有啲價格已經去到1,700蚊人仔。有啲會列埋代購價,即係好似680蚊(港幣)嘅門票,代購價就係760蚊人仔,480蚊嘅門票代購價就係560蚊人仔等等。

其中有一個,「店主」自認係香港人,仲話明代訂任何演唱會門票,可以唔收手續費,仲代訂酒店兼有折扣。

香港Mi fans留言:

「由8:45打電話到依家(中午近12點),未通過,作為mi fans,想睇場演唱會啫,點解要咁折磨我哋」

「入咗個網3個幾鐘加幾萬次電話,最終都只能買到2張330。正,到時見。」

「話打極打唔通,上網又上唔到,手續費又收得貴,依家啲演唱會飛唔係普通人可以買到。」

「入到個網已經揀埋飛……俾錢嘅時候彈番我出黎!有冇搞錯……激死我!!」

「個訂票電話實在太難打,足足打四粒鐘都是長響,係咪騙人的,很生氣 !」

「買唔到,俾錢個部分error」

「上咗幾個鐘網都上唔到打電話又唔通!剛剛上到但680嘅飛全部冇晒」

「入識別碼永遠入唔到」

「真的有必要這麼折騰鄭秀文 Sammi Cheng的fans ma.....我打到電話都爆了,又浪費了一日大假,請不要再加場,我不想再打了!」

「根本買不到票 全給黃牛買光了。」



淘寶流傳嘅號稱座位表。



阿Mi今朝一早已經溫馨提示fans記住今日係買飛日。



香港一眾Mi fans叫苦連天。



Mi fans留言



Mi fans留言



Mi fans留言



Mi fans留言



Mi fans留言



Mi fans留言



Mi fans留言



反而淘寶就有好多店主開po,狂吸內地客話可以代購Sammi香港個唱門票。









連酒店條水都食埋。



鍾意就快D Share啦!