2014年9月5日 星期五

[忽然1周 997] 張家輝為部戲啫! 家輝,張家輝,MW,




影帝擺住 pose行出銀行,媽咪姐行埋去想傾幾句,但佢話趕時間喎。

媽咪姐

張家輝為部戲啫!

影帝即係影帝!張家輝最近接受湖南衞視訪問,忽然神色凝重咁自爆同張學友係失散多年嘅親兄弟。嘩嘩嘩!當然,節目一出,即刻喺網上瘋傳呢個「天大秘密」!仲上晒報紙、雜誌㖭。







Well,查實媽咪姐早前先喺跑馬地撞到張家輝,為拍《激戰》而食過夜粥嘅佢急步走去撳錢,但仲可以 keep住擺 pose,「化骨龍」上身一樣。相比之下,學友沉實好多喎。正如歌神經理人陳淑芬話齋,兩個人係親生兄弟?講笑啫!

諗真啲,家輝呢排宣傳緊嘅《失戀急讓》,學友有份客串。佢哋主演嗰套《夜盜》又應該就嚟上,呢個時候「講呢啲」,啱數吖!

網友玩嘢

張影帝上湖南衞視嘅《新聞當事人》宣傳新片《失戀急讓》,人哋問佢同客串嘅學友合作有乜感覺,佢就忽然自爆大家係親兄弟,仲話:「以前我不公開跟學友的關係,是因為我不想靠我哥。」講到似層層,成為網上熱話,人人爭住認親。

操過嘅張家輝,仲有胸肌㗎,睇吓佢件 tee寫啲乜?哦! GAME嚟啫。大家認真便輸了!

高調有計

張家輝近排忙宣傳,但都抽時間以「化骨龍」造型玩冰桶挑戰,仲度埋抵死對白,軟性宣傳都做足!

張家輝同張學友喺《失戀急讓》同《夜盜》都有合作,歌神仲話要跟張影帝學做戲。依家證明,學友真係有眼光!



鍾意就快D Share啦!
Related Posts Plugin for WordPress, Blogger...