[忽然1周 997] 齊來估美腿？ MW,

Kelly收到男 fans送嘅毋忘我，真係唔知笑定喊。呢紮嘢嘅包裝，明顯有呃合照成分。

媽咪姐

齊來估美腿？

又到咗猜謎時間，今次要估嘅係「美腿」。嘩！呢堆腿，媽咪姐真係有啲估佢唔到，唔知大家係咪可以一眼認到呢？

耀榮叔生前同班藝人感情好好， Twins開完騷搞慶功，為應主題「人人彈起」，耀榮叔陪埋佢哋跳㗎。

咁多歌手盛裝出席，其實係為咗演唱會之父張耀榮舉行紀念騷。鄭秀文、葉蒨文、關菊英、甄妮、容祖兒、鄭欣宜同五月天等都嚟咗。容祖兒仲話希望喺紅館可以整個耀榮叔銅像，俾大家緬懷佢。但係呢，喺啲咁感人嘅時候，媽咪姐反而聽到 Kelly陳慧琳大叫「救命！」，喺佢唱緊〈誰願放手〉嗰陣，有位男 fans買定花送俾佢㗎。睇真啲，呢紮嘢嘅包裝已經夠「騎呢」，而呢位 fans嘅舉動仲古怪，拉住 Kelly唔肯放手，要影合照，真係同首歌應晒景，唔怪得 Kelly嚇到大叫

1號　白白腿

服裝剪裁問題，淨睇背面好難估呢位歌手瘦定肥。不過佢嚟緊都會開演唱會，加場再加場都買唔到飛，等炒黃牛。

2號　紋多多腿

呢位歌手好耐冇出現，平時只係鍾意打羽毛球。睇佢上身曲線真係 keep得好，不過睇埋條腿，嘩！堆橙皮紋多到嚇親媽咪姐。

3號　甲組腿

細細粒「陳嘉佳」又關佢事？搞錯晒！佢唔係細細粒，只係大家身形似啫。呢位歌手話唔想有憂鬱症，所以要食多啲減壓喎！體形咪咁嚟囉。

估中冇獎

1號　白白腿　鄭秀文

2號　紋多多腿　葉蒨文

3號　甲組腿　鄭欣宜

鍾意就快D Share啦！

下一篇 》