影帝擺住 pose行出銀行，媽咪姐行埋去想傾幾句，但佢話趕時間喎。
媽咪姐
張家輝為部戲啫！
影帝即係影帝！張家輝最近接受湖南衞視訪問，忽然神色凝重咁自爆同張學友係失散多年嘅親兄弟。嘩嘩嘩！當然，節目一出，即刻喺網上瘋傳呢個「天大秘密」！仲上晒報紙、雜誌㖭。
Well，查實媽咪姐早前先喺跑馬地撞到張家輝，為拍《激戰》而食過夜粥嘅佢急步走去撳錢，但仲可以 keep住擺 pose，「化骨龍」上身一樣。相比之下，學友沉實好多喎。正如歌神經理人陳淑芬話齋，兩個人係親生兄弟？講笑啫！
諗真啲，家輝呢排宣傳緊嘅《失戀急讓》，學友有份客串。佢哋主演嗰套《夜盜》又應該就嚟上，呢個時候「講呢啲」，啱數吖！
|
鍾意就快D Share啦！
|
|
|
