絕跡活動
去年底馬賽遭傳媒拍到啜爆汪子琦，事隔半年，她五月時仍可現身「慧妍」活動，可惜原來是最後一次。
娛樂喧
艷舞片形象破產 馬賽遭慧妍除名
「純純兔」馬賽因硬搶富婆 Laura「老公」汪子琦搞到雞毛鴨血，更因流出艷舞片弄至形象破產。本身為 08年港姐季軍的她，獲獎後一直活躍於由港姐組成的「慧妍雅集」慈善團體。可是，「慧妍」內部日前有人提出動議，除去馬賽會員身份，該動議已獲「慧妍」大部分委員通過。
其實艷舞片出街後，馬賽雖得高層樂易玲眷顧，極速解凍復工，但據知近日大台其他高層有意放棄馬賽。名利雙失的她，日前赴英讀書時便喊晒口透露冇嘢撈，要家人接濟。「大半年靠屋企，依家冇工作安排，如果有嘢做我先會返嚟！」一段孽緣，馬賽名利人三失！
現年 26歲的馬賽，自七月中流出艷舞片後，縱使在維穩節目中爆喊，指自己愛錯人博同情，但其貪錢大話妹形象令其事業一鋪清袋，結果早前（ 8月 17日）要避走英國過冷河。
委員表決冇得留低
原本屬「慧妍雅集」鐵膽的馬賽，以往常被邀出席會中各大小活動，又深得前港姐保母、現任「慧妍」顧問 Rosa陳紫蓮愛錫。但隨着其形象直插谷底後，據知「慧妍雅集」內曾與馬賽有過節的會員，近日以她「破壞港姐形象」為由，動議取消馬賽會籍，乘機剷除眼中釘。「其實馬賽喺大台擔正做花旦嗰陣，本身喺會中都唔係咁騷其他女仔，叫做最 friend係同屆嘅高 Ling，所以佢成日黐住 Rosa。但嗰件事之後，成班委員好鬼團結，話要罷免馬賽。至於 Heidi（『慧妍雅集』執行委員會副會長朱凱婷）、 Mandy（『慧妍雅集』信託委員會委員曹敏莉）同其他委員，都認為馬賽行為損害咗港姐同『慧妍雅集』嘅形象，聽講馬賽會暫時停止所有活動同職務，包括嚟緊嘅中秋義賣月餅活動。」知情人透露。
周二（ 2日），本刊致電朱凱婷，她表示現階段唔方便說話，着記者問其他會員。至於曹敏莉，本刊連日致電她，至截稿前仍未有回覆。
王愛倫：佢話想低調
日前，記者發現「慧妍雅集」網頁會員一欄中，馬賽的相片一度落架。至周一（ 1日）記者致電「慧妍」信託委員會主席王愛倫後，馬賽照片卻離奇「復生」。當記者問王愛倫是否暫停安排活動予馬賽時，王表現避忌說：「……我哋呢排都忙緊賣月餅，其實我哋都好歡迎所有會員報名。（內部係咪商議過要馬賽退會？）其實講真…… Rosa（港姐之母陳紫蓮）有同佢傾過偈……係佢自己選擇低調啲，希望大家俾啲空間佢。（覺唔覺得馬賽損害咗港姐同『慧妍』嘅形象？）……佢好慘啦，你哋俾啲時間佢冷靜吓」隨即匆匆掛線。
大台棄將
三番四次傳出斷背、拍艷片和 send情慾短訊等負面新聞的馬賽，一直都受到樂易玲的疼愛，早前更解凍現身行 catwalk騷。正當外間以為大台再次放生馬賽，本刊卻收到消息，日前在大台會議中，大部分高層都決定放棄馬賽。知情人透露：「其實由始至終都淨係樂易玲覺得馬賽過一排等件事冷卻，做場消毒騷就冇事。不過其他高層唔係咁睇，覺得無謂再投放資源落佢身上。」錢路茫茫，翻身無望，馬賽想復工，有難度！
|
鍾意就快D Share啦！
|
|
|
