熱爆娛樂: [忽然1周 997] 遭救生員抽水　劉思希豪晒 34C導彈劉思希,MW,

2014年9月5日星期五

[忽然1周 997] 遭救生員抽水　劉思希豪晒 34C導彈劉思希,MW,

Big爆沙灘

正面睇，劉思希 34C身材急彈而出，加上笑容多，減去膠味。

娛樂喧

遭救生員抽水　劉思希豪晒 34C導彈

步入 29歲的劉思希，憑膠面、大細鼻孔在《忠奸人》一劇「彈出」，被網友封為「胡冏」（胡杏兒冏樣接班人），即時紅爆網絡。對於被插膠面，她一味強調：「我真係冇整容！」

儘管全城圍攻，不過劉思希仍然自信爆棚。上周六（ 30日），她着上三點式，與友人到南灣游水，大晒 34C導彈身材，不時玩自拍。其間有不少猛男喪?，更有救生員埋身搭訕兼摸手仔，難怪劉思希自我感覺良好，懶理批評。

其他影片：>>自信爆棚　劉思希豪曬 34C導彈
>>34C誘惑　劉思希俾救生員抽水

出道三年的劉思希，去年在王心慰的《巨輪》演大茄後，在剛播完的《忠奸人》已升呢做第二女主角，並憑膠樣彈起。有消息指她父母與大台高層熟稔，因此上位特快，更有指大台即將為她度身定做一齣時裝劇，讓她坐正做女一。

有大台撐腰，加上家族有米，難怪被網友狂插，劉思希依然對自己信心十足。家住市值二千多萬的半山雍景臺豪宅的她，出入卻是搭地鐵、的士，十分平民化，但不少途人認得她，對她指指點點。

上周六（ 30日）下午，劉思希乘友人座駕，到南灣中灘曬太陽。身穿三點式的她盡騷 34C身材，引來不少男性目光。其間有救生員上前要求和她握手，她亦欣然答應。雖然該救生員擺明抽水，更笑淫淫說：「摸多陣先！」，但她毫不介意，看來對自己魅力充滿信心。之後，劉思希更不時攞手機自拍 chok樣， chok爆指數媲美林峯。

回復心情

雖然被網友圍攻，不過劉思希未受影響。心情甚佳的她，更不時撩朋友玩。

頻頻自拍

劉思希不停自拍，對自己容貌信心十足。朋友都頂佢唔順，自己睇書解悶。

猛男抽水

南灣中灘是同志熱點，救生員久旱逢甘露，見到 C級身材的劉思希亦忍唔住埋身，要求握手，仲輕佻唔願放手話：「摸多陣先！」

大晒身材

上周六（ 30日），劉思希在朋友陪同下，到南灣下水，兼晒下 34C白滑身材。

強調冇整容

本刊致電劉思希，重提被救生員抽水一事，她明顯沒介懷。但問到整容，她則戮力解畫。

記︰之前影到你去游水，有救生員過嚟借啲意摸你手仔？

劉︰個救生員好熱情，佢話有睇套劇，認得我，係熱情咗少少。

記︰依家仲有唔少網友批評你？

劉︰依家比之前好咗好多，仲有啲人話我唔錯。

記︰傳你之前去過韓國整容喎？

劉︰我真係冇整容，我係生得唔好睇，我近年都冇去過韓國。之前拍《忠奸人》時，我諗住自己有雀斑，叫化妝師重手啲，點知出到嚟搞到變膠樣，自己衰囉！

記︰你屋企人係咪同大台高層曾勵珍好熟？

劉︰冇，我媽咪咁耐以嚟都係跟我去過一次宣傳活動，佢都係企埋一邊。

記︰傳公司開套新劇俾你做主角？

劉︰唔知喎！未接到通知。

雖然被彈膠樣，不過劉思希有副最強 body，大可在新劇中作為賣點，應該可以開拓宅男市場！