[壹週刊 1280] 大馬外景 無綫慌死益人 岑麗香拍戲變坐監 岑麗香,M1,

岑麗香很努力做好新戲裡的角色，拍這個車頂上與敵人對打，然後撻落地的鏡頭，足足拍了兩小時。

探熱針

大馬外景　無綫慌死益人　岑麗香拍戲變坐監

成龍做監製，九十年代出品的《霸王花》電影系列，讓片中鐵膽女角胡慧中、惠英紅、吳君如長拍長有，搵落唔少！

21世紀復刻版《辣警霸王花》集中港馬三地演員，包括欣宜、岑麗香、 Jeana何佩瑜、新波霸崔碧珈，劇組早前拉隊到馬來西亞取景兩個月，雖然日踩十八個鐘，但一班新霸王花夠精力，收工必定柴娃娃出外搵食，岑麗香一個唔跟大隊；原來 TVB精神洗腦，禁止她參與任何與拍戲無關活動。使唔使呀？

派人看實

導演錢國偉重溫經典，開拍《辣警霸王花》，片中女演員事前都要接受功夫和拳擊訓練。

「套戲開拍前，班女仔每日要集訓十小時，莫講話打，佢哋好多根本冇做開運動，所以練起嚟更加吃力，不過勝在夠後生，好快上手，就算係欣宜都打到似模似樣，因為磅數夠，出拳力度都勁好多。一班人集訓咗成個月已經 friend咗，喺馬來西亞埋位時，大家感情都好好。」工作人員說。

全女班一樣相處到，收工攰爆都唔會各自散，寧願瞓少啲，都要一齊食埋個飯才安樂。集體行動，但陣中的岑麗香卻甚少參與。

「次次約食飯或者去行街，香香都唔參加，初時仲以為佢唔想同 Jeana佢哋玩，後來先知原來無綫落咗令，除咗拍戲，其他活動都唔俾香香參與，原因係無謂俾人利用做新聞喎！喺馬來西亞拍外景時，除咗埋位冇人嗰刻，其他時間都有經理人部門嘅人陪住香香，就算放食消夜，香香都係自己坐埋一邊，連欣宜佢都唔敢黐，最多只係跟同公司嘅梁琤一齊，監犯一樣冇自由。」

就算在拍攝現場食西瓜及消夜，被 TVB經理人部門的同事睇到實的岑麗香，不能與其他演員太稔熟。

岑麗香與欣宜雖然私下很老友，但欣宜生日食飯當天，被 TVB禁外出的岑麗香未能跟老友慶祝生日。

監製黃永峰生日當晚請食海鮮，岑麗香一樣 no show。

有「 G奶謝安琪」之稱的新人崔碧珈樣靚身材勁，是太陽娛樂今年的重點女新人。

欣宜與 Jeana因拍《辣》片而認識，兩人迅速成為好友，就算電影已煞科，她們依然約食飯相聚。

莊思敏、新人袁聖殷與伍允龍不用埋位的時候，很多時會與監製黃永峰聊天說笑，相處很好。

半夜四點起身

在馬來西亞拍外景，大熱天日日開十八小時通告，一班霸王花個個曬到一身健康膚色。

「外景地點離市區好遠，好多時凌晨四點就要起身化妝整頭，再坐兩個鐘車去現場，埋位又幾乎打到收工，班演員都好辛苦。」工作人員說。

探班當日， Jeana、欣宜、岑麗香、莊思敏等清早七時已經開始埋位，拍到傍晚還要轉景到貨櫃場再繼續，其中一場岑麗香要在車頂和對手打，因為不停 NG，拍超過兩小時導演都未收貨，其他演員唯有先食消夜，有排冇得收工。

電影《辣警霸王花》集合《霸王花》系列與《學警出更》（ Police Academy）系列於一身，應該會幾好笑。

鍾意就快D Share啦！

下一篇 》