2014年9月18日 星期四

[壹週刊 1280] 阿 B佐敦摸門釘 阿 B,鍾鎮濤,M1,




同你吟一吟

阿 B佐敦摸門釘

有唔少藝人都係基督徒,不過,信佛嘅更多!上星期二(九月九日)喺九展舉行嘅祈願法會,身為大寶法王弟子嘅梁朝偉亦有蒲頭,更加同王菲上台,合唱《心經》。

上月尾拉隊去峇里搞婚禮,一度因為偉仔嘉玲去唔到,幾乎想改婚期嘅阿 B鍾鎮濤,當晚亦攜眷出席,兩公婆仲有晒計劃,去法會前先食少少嘢,打定底。

下午四點半,阿 B揸車同老婆去咗佐敦白加士街,一心幫襯無時無刻都排長龍嘅澳洲牛奶,點知摸門釘,冇得食! B哥,人哋係逢星期四同公眾假勞工假都唔做生意㗎!乜你唔知咩!白行一趟,兩公婆唯有打道回府,之後再約埋幫佢哋做證婚人嘅關之琳,一齊去九展。

專登帶老婆去佐敦食澳洲牛奶,點知撞正公眾假期唔開鋪,阿 B白行一轉,唯有攞車走人。

繑住老公行嘅范姜,平時中環走動多,落到舊區佐敦,表現好奇。

食唔到澳洲牛奶,阿 B范姜返屋企換過套衫,再去法會。

話說當日大會為免混亂,劃出專區安排圈中人先入場,但當陳家瑛到場時,在場維持秩序嘅職員唔知佢係王菲經理人,竟然出手阻佢入場,最終要陳家瑛公司同事出嚟幫手救駕。

至於同阿 B夫婦三人行嘅關之琳,亦對有關生腦瘤傳聞作出反應:「我係去洗牙,多謝關心。」

腦變牙,哦!總之係頸以上,雖不中,亦不遠。

初次同王菲合唱《心經》,偉仔話事前雖已向老手張學友請教心得,但依然覺得好緊張。

工作人員有眼不識陳家瑛,最後要公司同事出嚟接駕。

甚少出席公開活動嘅導演王家衞,當日帶埋老婆一齊出席法會。

楊恭如媽咪聽見身邊人話轉過經輪會發達,二話不說,即做。

離婚後桃花運行完一個又一個嘅江欣燕,當日冇搵鬍鬚新歡陪,單拖到場。

俾人傳腦生瘤,關之琳笑住話冇唔開心,仲解釋只係搵牙醫洗牙,唔係睇腦科。



鍾意就快D Share啦!
Related Posts Plugin for WordPress, Blogger...