2014年9月18日 星期四

[壹週刊 1280] Eric Kwok全家總動員 Eric Kwok,M1,




阿爸阿媽一返上車, Nana同 Toro即刻跳上大髀,各就各位開心遊車河睇風景!

同你吟一吟

Eric Kwok全家總動員

伊波拉病毒肆虐西非各國,香港娛圈就有生 B潮湧現!梁詠琪、劉若英,仲有鄭中基老婆余思敏陸續傳喜訊,但結咗婚三年嘅 Eric Kwok同葉佩雯,就堅持養狗不造人,當正三隻寶貝珍珍、 Nana同 Toro係自己仔女,兩公婆出街買餸,都會與狗狗同行,唔會獨留「兒童」在家。

上星期五(九月十二日),一家五口出動,郭生郭太揸車去跑馬地買餸,三個仔女就留喺車入面等。雖然落住雨,但 Eric Kwok唔理咁多,點都打開條窗罅,等空氣流通,狗狗唔會焗。

買完餸,兩公婆食埋碗麵先揸車返歸。遊車河, Nana同 Toro習以為常,半個身伸出車窗吹風,但年紀比較大、開始多病痛嘅珍珍,就冇啲後生咁好氣,自己霸晒後座位攤屍,咪打搞阿嬸!

就算留低狗狗响車, Eric Kwok都會打開窗罅通風, Nana同 Toro坐車頭,年紀比較大嘅珍珍,就獨霸車尾。

拍拖去跑馬地街市買餸煮番兩味,之後再去雜貨鋪買家品。

一家五口除咗會一齊出街買餸,剛過去嘅中秋節,仲一齊落街賞月, Eric Kwok專登買咗個兔仔燈籠俾三個小朋友玩。



鍾意就快D Share啦!
Related Posts Plugin for WordPress, Blogger...