[忽然1周 - 1004] 竹野內豐戀上 F cup女優？ 竹野內豐,MW,

豐哥每次由佳奈屋企出嚟，必定又口罩，又戴帽，包到密密實實之餘仲要周圍𥄫，防偷拍。唉，咁又點呀？咪又係被曝光？

出外埠

竹野內豐戀上 F cup女優？

43歲日本有「黃金單身漢」稱號嘅型男竹野內豐，日前被爆戀愛了。其實呢，豐哥雖然係「隱蔽中年」，但久唔久亦傳吓緋聞。好似早排突然話佢同拍《再一次對你求婚》嘅和井久映見結婚，講到真嘅一樣。誰不知，日前俾日本八卦雜誌爆出佢戀上嘅查實係同劇 26歲、擁有 F cup嘅蒼科佳奈！仲話豐哥三頭兩日就會去佳奈屋企過夜，亦得到雙方事務所承認，睇嚟應該唔係煲水噃！

不過亦有人潑冷水，話豐哥咁啱有新片《 at Home》同新劇《美妙的士》推出，而蒼科佳奈亦有新劇《 First Class 2》開播，質疑係宣傳成分居多喎！不過有圖有真相，你哋又點睇呢？

酷爆嘅竹野內豐搭上巨乳妹蒼科佳奈，已經令人跌到一地眼鏡碎。最令人估唔到係豐哥對佢好貼心，每次送人返屋企，一定睇住入咗門口，再開車到停車場，兜 5分鐘路先上佳奈屋企過夜。

06挾着 F cup巨乳出道嘅蒼科佳奈，除咗撈咗個「史上最強巨乳」名號外，一直唔紅唔黑。 13年喺劇集《再一次對你求婚》先終於做到第二女主角。

鍾意就快D Share啦！

下一篇 》