掃呢頁CODE去手機

2014年10月31日 星期五

[忽然1周 - 1005] 「蜆仔」姣到爆 死黐「大肌肉」 MW,




揞名爆

「蜆仔」姣到爆 死黐「大肌肉」

喺娛樂圈,總有一個姣精喺左近!好似「蜆仔」咁,雖然唔係乜嘢國色天香,但恃住自己青春,周圍放電,逢仔都溝。其中上緊位嘅「大肌肉」係重點「服侍」對象!

早排一班一齊拍劇嘅藝員同幕後約埋去食飯,開咗兩圍,大家一早坐定。但「蜆仔」呢位大小姐好遲先到,仲要有空位唔坐,講到明要坐喺「大肌肉」隔籬。 Well,人哋嗰圍查實一早滿咗,不過佢無視其他人㗎!自己攞張櫈插入去,死都要黐住「大肌肉」坐。嘩,在場啲人即時 O晒嘴。

事情發展到呢度,大家係咪好想知「大肌肉」有冇落疊呢?嗱,好多見慣世面嘅幕後朋友都勸佢話呢啲囡囡勁多手尾跟,要臨崖勒馬!暫時睇到,「大肌肉」似乎未中招。祝佢好運

邊個係「蜆仔」?

1.鬼妹仔性格(唔知係咪扮呢?)。

2.瘦。

邊個係「大肌肉」?

1.有女友㗎。

2.捱咗幾年先上位。



鍾意就快D Share啦!