[忽然1周 - 1005] 林峯豪送十萬生日 party 千語 BB冧到裂 林峯,吳千語,千語,MW,

枱面布置非常有心思，不過成張相焦點，梗係林峯同千語 BB黐咗膠水嘅手啦。

媽咪姐

林峯豪送十萬生日 party　千語 BB冧到裂

林峯有幾愛千語 BB？從佢喺鏡頭前講足 7次「好愛」，已經知道「中毒」好深！而淨係講，梗係唔夠，峯峯豬一有時間就帶愛人周遊列國，瘋狂 shopping。周一（ 27日）適逢千語 BB 21歲生日，呢位「中毒少爺」又「做嘢」喇！

今次峯峯豬好有心，晨早 book咗文華東方酒店入面，由法國著名香檳品牌 Krug設計嘅庫克廳（ Krug Room），為千語 BB搞驚喜生日 party。話你知吖，庫克廳全球只有 4間，曾經被列入亞洲 9間消費最高嘅餐廳之一，人均消費至少 4000蚊！ Well，今次峯峯豬請咗 10個 friend同千語 BB慶祝，加埋現場豪華布置，誇到爆嘅堡壘蛋糕同酒水。呢一晚，十萬「落樓」走唔甩！噢，怪唔得千語 BB冧到連影相都要捉實峯峯豬隻手啦。

你睇林峯同千語 BB貼頭影相幾咁冧，十萬？使得抵啦，林峯呵！

特大堡壘蛋糕有個公主喺上面，唔見王子。但梯下面有豬豬同狗狗，唔通……

Krug Room裝修典雅，無特定餐牌，菜式由廚師每天創作，呢碟「盆景」係咪好正呢？

鍾意就快D Share啦！

下一篇 》